25.12¡ÆC
रसुवा । माथिल्लो त्रिशूली–३ ‘ए’ जलविद्युत् आयोजनाको सुरुङभित्र फसेका २ जनाको १० दिनपछि जीवितै उद्धार गरिएको छ । खोजी तथा उद्धारमा खटिएका राष्ट्रिय स्वतन्त्र पार्टीका सांसद एवं इन्जिनियर श्रीराम न्यौपानेका अनुसार सञ्जय साह र कविर महर्जनको जीवितै उद्धार गरिएको हो ।
जनाको उद्धारसँगै सुरुङभित्र रहेका अन्य व्यक्तिको खोजी तथा उद्धारलाई पनि तीव्र पारिएको छ । बाढीका कारण सुरुङको प्रवेशद्वार लेदो, माटो, ढुंगा र ठूला चट्टानले पुरिएको थियो । उद्धार टोलीले ड्रिलिङ मेसिन, स्काभेटर, हाइड्रोलिक कटरलगायत उपकरण प्रयोग गर्दै सुरुङको प्रवेशमार्ग खोल्ने प्रयास गरेको थियो ।
उद्धार टोलीले सुरुङभित्रबाट मानिसको आवाज सुनेपछि त्यहाँ अझै जीवित व्यक्ति रहेको आशा बलियो बनेको हो । उद्धारमा खटिएको नेपाली सेना र सशस्त्र प्रहरीको टोलीले सुरुङभित्र रहेका व्यक्तिसँग संवादसमेत गरेको थियो । उद्धार टोलीले ‘नआत्तिनुहोस्, हामी उद्धार गर्दैछौँ’ भनेपछि भित्रबाट ‘हुन्छ’ भन्ने प्रतिक्रिया आएको न्यौपानेले बताउनुभएको थियो ।
सांसद न्यौपानेले सुरुङभित्र अझै कम्तीमा एक जना व्यक्ति जीवित रहेको जानकारी प्राप्त भएको बताउनु भएको छ । यस आयोजनाको भूमिगत विद्युत् गृह तथा सुरुङ क्षेत्रमा बाढी आउँदा ठूलो संख्यामा प्राविधिक तथा कर्मचारी फसेको आशंका गरिएको थियो ।
