समान लुटेको आरोप लगाउदै भारतियले ज्यान मार्ने धम्की

<p>पप्पु गुरुङ्, ३२ साउन / दोधारा चाँदनी ।&nbsp; दोधारा चाँदनीको कञ्चनभोजबाट भारत तस्करी गर्ने क्रममा रहेको समान लुटिएको भन्दै एक नेपाली युवकलाई भारतिय नागरिकले ज्यान मार्ने धम्की दिएका छन् । बुधवार राती दोधारा चाँदनीको बजारबाट अबैधरुपमा करिब ४० हजार बराबरको खुकुरी चुरोट दोधारा चाँदनी नगरपालिका वडा नं. ७, कञ्चनभोजबाट तस्करी हुदै गर्दा समान लुटिएपछि दोधारा चाँदनी नगरपालिका वडा नं. ७, कञ्चनभोज बस्ने रोहित सिंह सुनारलाई समान लुटेको आरोप लगाएका छन् ।&nbsp; बुधवार राती ढुङ्गा ताकेर रोहित सिंह सुनारले समान लुटेको भारतियहरुले आरोप लगाउदै आएका छन् । तर रोहित सिंह सुनार लगाएतका समुहले उक्त समानको बारे आफुलाई कुनै प्रकारको जानकारी नभएको बताएका छन् । “हामीलाई बिना सित्तै लुटेको आरोप लगाएका छन्” रोहित सिंह सुनारले भने– “समानको बारे हामी अनबिज्ञ छौ” आज बिहान एनसेलको ९८०५७४४४८८ नम्वरबाट फोन गरेर उत्तराखण्ड, नारायण नगर (बंगाली कलोनी) निवासी भारतिय नागरिक मनोज मण्डल र सानुले समान नदिए ज्यान मार्ने धम्की दिएको रोहित सिंह सुनारले बताएका छन् । “हामीले समान लगेका छैनौ, कहाँबाट समान दिने ?” उनले भने । हामीलाई भारतमा गए मार्ने धम्की दिएपछि सिमावर्ती भारतिय बजारमा जान बन्दै गरेको बताएका छन् । उनिहरु निर्घातरुपमा हाम्रो घरमा आएर धम्की दिएर जान्छन् नेपाली प्रशासनले खासै चाँसो नदेखाएको उनीहरुको गुनासो रहेको छन् । “सिमा संग टासिएको घर छ । राती कतिबेला सुतेको बेला&nbsp; आएर मारलान भन्ने चिन्ताले सताएको छ्” उनिहरुले भने । धम्की आएपछि सुनार हिजो राती आफन्तको घर महेन्द्रनगरमा बसेका थिए । “ज्यान मार्ने धम्की पछि घरमा बस्न सकिन” उनले थपे । भारतिय तस्करहरुले उनिहरुको घरमा कति बेला आक्रमण गर्लान भन्ने चिन्ताले राती निन्द्रा नलाग्ने गरेको रोहित सिंह सुनारको परिवारजनले बताएका छन् । आफुहरुले नगरेको कुरामा बिनासित्तै आरोप लगाएर ज्यान मार्ने धम्की पाएको उनिहरुको भनाई रहेको छन् । आज आफुले आफु र परिवारजनको सुरक्षाको लागी बाबाथान प्रहरी कार्यालयमा भारतिय नागरिक बिरुद्ध उजुरी हालेको बताएका छन् । समान कस्ले लुट्यो भन्ने बिषयमा ब्यापक छलफल भएपनि टुङ्गो नलागेको स्थानियहरुले बताएका छन् । भारतिय नागरिकले रोहित सिंह सुनारले राती ढुङ्गा ताकेर समान लुटेको दाबी गर्दै आएको छ भने सुनार लगाएत उनका समुहले आफुहरुले समान नलुटेको भन्दै बिनासित्तै आफुहरुलाई दोषारोपण गरेको बताएका छन् । <br><br><br></p>