प्रधानमन्त्री प्रचण्डले भने-‘खाडीका जेलमा रहेका नेपालीहरुको तथ्याङ्क दिनुस्’

<p>२८ साउन, काठमाडौं ।<br>प्रधानमन्त्री पुष्पकमल दाहालले खाडी मुलूकमा रहेका नेपालीहरुको अवस्थासहितको तथ्याङ्क दिन परराष्ट्र मन्त्रालयलाई निर्देशन दिनुभएको छ ।<br><br>आज दिउँसो परराष्ट्र सचिव शंकरदास बैरागीलाई बालुवाटार बोलाएर प्रधानमन्त्री दाहालले खाडी मुलूकका जेलमा रहेका नेपालीहरुको तथ्याङ्क तत्काल आफूलाई दिन निर्देशन दिनुभएको हो । <br><br>भेटमा प्रधानमन्त्रीले खाडी मुलूकमा बन्दीजीवन बिताइरहेका रामचन्द्र तिमिल्सिनाको अवस्थाबारे परराष्ट्र सचिवसँग जानकारी लिनुभएको थियो । <br><br>परराष्ट्र सचिवले पेट्रोलियम पदार्थको मूल्य घटेकाले खाडी मुलूकहरुमा धेरै कम्पनीहरु बन्द हुँदै गएको र नेपाली कामदारहरु कम्पनीबाट फिर्ता भइरहेको जानकारी दिनुभयो ।</p><p>प्रधानमन्त्रीले आफ्नै देशमा उत्पादन कार्यमा लगानी गरेर वैदेशिक रोजगारको बिकल्प खोज्नेबारे आवश्यक निर्णय गर्ने बताउनुभयो ।<br><br></p>