‘छक्का पन्जा’ को ट्रेलर आयो, एकदिनमै १ लाखले हेरे (भिडियो सहित)

<p></p><p>२६ साउन, काठमाडौं ।<br>चलचित्रको गित बाटै ट्रेलर सार्वजनिक अघि नै लोकप्रिय बनेको चलचित्र छक्का पन्जाको ट्रेलर सार्वजनिक भएको छ ।<br><br>बहु प्रतिक्षित रुपमा हेरिएको चलचित्र छक्का पन्जाको ट्रेलर एक दिनमै सामाजिक सञ्जाल यु ट्युवमा १ लाख २० हजार बढीले हेरेका छन् ।<br><br>ट्रेलरबाटै शुभ संकेत देखाएको चलचित्र छक्का पन्जा यसअघिका दुई चलचित्र छ एकान छ र वडा नम्वर ६ को तुलनामा अझै लोकप्रिय हुने ठानिएको छ ।<br><br>दिपकराज गिरी र दीपाश्री निरौलाको टिमले नै बनाएपनि छक्का पन्जालाई पहिलो पटक निर्देशन दिपाश्री ले गरेकी छिन् ।<br><br>चलचित्रमा दीपकराज गिरी, वुद्धी तामाङ, जीतु नेपाल, केदार घिमिरे, शिवहरी पौडेल लगायतका कलाकारको उत्कृष्ठ हांस्य अभिनय देख्न सकिन्छ ।<br><br>चलचित्रमा मुख्य नायिकाको रुपमा लोकप्रिय नायिका प्रियंका कार्की सँगै नम्रता सापकोटा र बर्षा राउतको पनि अभिनय रहेको छ ।<br><br>निर्माण पक्षले चलचित्रको कथाबस्तु सार्वजनिक नगरेपनि यसको ट्रेलर हेर्दा बेरोजगारी, बैदेशीक रोजगारीको कथा र गाउँघरको कथा वस्तुसँगै तराईको कथालाई समेटेको सहजै अनुमान गर्न सकिन्छ ।<br><br>चलचित्र छक्का पन्जाको ट्रेलर भने काठमाडौंमा एक कार्यक्रमका बिच सार्वजनिक गरिएको थियो ।<br>चलचित्रमा हांस्य कलाकार कुञ्जना घिमिरे, निशान बजगाँइ, सुमन गिरी, केदार घिमिरे, जीतु नेपाल, दीपकराज गिरी, दीपाश्री निरौला, निर्मल शर्माको संयुक्त लगानी रहेको छ ।<br><br>चलचित्र छक्का पन्जा भदौ २४ गतेबाट रिलिज हुँदैछ । चलचित्रको विदेश प्रदर्शनको लागि समेत दर्जनौं देशबाट माग भइसकेको र सम्झौताको चरणमा रहेको बुझिएको छ ।<br><br><b>हेर्नुहोस् चलचित्रको ट्रेलर र लोकप्रिय बनेका गितहरु</b><br></p>
<iframe src="https://www.youtube.com/embed/msDN-Y0HIME" allowfullscreen="" frameborder="0" height="450" width="750"></iframe><p></p><p><br></p>
<iframe src="https://www.youtube.com/embed/O5LBzdvSm8Y" allowfullscreen="" frameborder="0" height="450" width="750"></iframe>
<iframe src="https://www.youtube.com/embed/pybCDZY0k_I" allowfullscreen="" frameborder="0" height="450" width="750"></iframe>