15.33¡ÆC
नुवाकोट । बेलकोटगढी नगरपालिकाको सहयोग र व्यवसायिक सिलाई बुनाई तथा घरेलु तान संचालन उपभोक्ता समिति बेलकोटगढी-१० को आयोनजामा ३ महिने सिलाई कटाई तालिम सम्पन्न भएको छ ।
बेलकोटगढी नगरपालिकाको आर्थिक लगानीमा बेलकोटगढी-१० का महिला दिदीबहिनीलाई ३ महिने सिलाई कटाई तालिम प्रदान गरिएको हो ।
गत फागुन १९ गते देखी सञ्चालन भएको तालिम शुक्रबार (आज) बेलकोटगढी नगरपालिका प्रमुख जगतबहादुर गुरुङ र उपप्रमुख शिबप्रसाद दाहालको आतित्थ्यतामा समापन गरिएको हो ।
सिलाई कटाई तालिमले महिलाहरुको सिप विकास भएर रोजगारको सिजर्ना गर्दै आर्थिक विकासमा सहयोग पुग्ने नगरपालिका प्रमुख जगतबहादुर गुरुङले बताउनुभयो ।
आगामी दिनमा पनि महिलाहरुको क्षमता वृद्धिको लागि थप कार्यक्रमहरु सञ्चालन गर्ने नगरपालिकाको लक्ष्य रहेको नगरप्रमुख जगतबहादुर गुरुङको भनाई छ ।
