19.28¡ÆC
नुवाकोट । बेलकोटगढी नगरपालिकामा राष्ट्रिय परिचयपत्र बनाउनको लागि शनिबार (आज) वडा नं ३ को वडा कार्यालयमा विवरण संकलनको भइरहेको छ ।
जिल्ला प्रसासन कार्यालय नुवाकोटसंगको सहकार्यमा बेलकोटगढी नगरपालिकाको वडा नं ३ र यस आसपासमा रहेका नागरिकहरुको राष्ट्रिय परिचयपत्र बनाउन लागिएको बेलकोगढी नगरपालिका वडा नं ३ का वडाध्यक्ष कौशिला पुडासैनीले जानकारी दिनुभयो ।
उहाँको अनुसार सामाजिक सुरक्षा भत्ता प्राप्त गर्न र बैंक खाता सञ्चालनको लागी राष्ट्रिय परिचयपत्र अनिवार्य गरिएकाले उक्त सेवाग्राहीलाई घरदैलोमा नै सेवा दिने उद्देष्यले राष्ट्रिय परिचयपत्र बनाउने शिविर सञ्चालन गरिएको हो ।
यसअघि पनि शिविर मार्फत सेवा दिएकामा केही छुट भएसगैँ बिदाको दिनमा पनि सेवा उपलब्ध गराई शिविर सञ्चालन गर्दा स्थानीयबासी विशेष गरेर ज्येष्ठ नागरिकहरुले प्रत्यक्ष लाभ पाएका छन् । उनीहरुले राष्ट्रिय परिचयपत्र बनाउन जिल्ला प्रशासन कार्यालय नै पुग्नुपर्ने बाध्यता हटेको छ ।
