20.12C
काठमाडौँ । शनिबार धादिङको धुनिबेसीमा छुट्टाछुट्टै समयमा दुई टिपर दुर्घटना हुँदा दुवै चालकको मृत्यु भएको वागमती प्रहरीले जनाएको छ ।
शनिबार अन्दाजी ००ः३ बजे त्रिभुवनराजपथअन्तर्गत खत्रिपौवाबाट खानिखोलातर्फ आउँदै गरेको बा२क ४८८० नंको खाली टिपर धुनिबेसी ९ तिनतिरे धारा सडकबाट ९० मिटर तल खोल्सामा खसी दुर्घटना भएको थियो ।
दुर्घटना हुँदा टिपर चालक जिल्ला मकवानपुर इन्द्रसरोवार गापा१ सेरा बस्ने वर्ष २२ का प्रदीप थिङ घाइते भई उपचारका लागि शिक्षण अस्पताल काठमाडौं पठाएको थियो । उनको उपचारकै क्रममा ०२ः१५ बजे मृत्यु भएको हो ।
धुनिबेसी ९ कै टायलघरमा शनिबार ०४ः०० बजे अर्को टिपर पनि दुर्घटना भयो । काठमाडौंबाट खानीखोला तर्फ जाँदै गरेको बा३ख ७४०२ नंको खाली टिपर अनियन्त्रित भई सडकबाट अन्दाजी २०० मिटर तल खोल्सामा खस्दा टिपर चालक धादिङ थाक्रे २ का वर्ष ३४ का लक्की राई घाइते भएका थिए ।
उनलाई पनि उपचारका लागि शिक्षण अस्पताल काठमाडौं पठाएइकोमा ४ः५० बजे उपचारको क्रममा मृत्यु भएको हो ।
