बर्षाको कारण उदयपुरमा दुईको मृत्यु

<p>१० साउन, उदयपुर ।<br>तीन दिन देखि परेको अभिरल बर्षाको कारण उदयपुरमा बालक सहित दुई जनाको मृत्यु भएको छ ।</p><p>उदयपुरको पूर्वि गाविस रामपुरठोक्सिलास्थित गुहेखोलामा आएको बाढीले बगाएर सोमवार एक जना महिला र जमेको पानीमा डुबेर एक बालकको मृत्यु भएको जिल्ला प्रहरी कार्यालय उदयपुरका प्रहरी उपरिक्षक नरबहादुर केसीले जानकारी दिएका छन ।</p><p>बाढीले बगाएर रामपुरठोक्सिला गाविस –२ खोरिया टोल बस्ने ४० बर्षिय कालिमाया राईको मृत्यु भएको हो त्यसैगरी तपेश्वरी गाविसमा स्कुल पढन हिडेको एक बालकको डुबेर मृत्यु भएको छ । मृत्यु हुनेमा बर्ष १३ को रितु प्रधान रहेको जिल्ला प्रहरी कार्यलय उदयपुरले जनाएको छ&nbsp; ।</p><p>यस्तै जिल्लाको कटारी नगरपालिका वडा नम्बर ५ कल्याणपुरमा स्थानीय अमाहा खहरे गाउँमा पस्दा ३ दर्जन घर परिवारको घरमा क्षति पुराएको छ बाढी गाउँमा पसेको स्थानमा दिनभरी स्थानीयले कटारी नगरपालिका संग १० थान जाली माग गरी लगाएको कटारी नगरपालिकाका कार्यकारी अधिकृत पून्यप्रसाद पौडेलले बताए ।</p><p>त्यसैगरी बाढीले क्षति पुराएको कल्याणुरमा तत्काल थप क्षति रोक्न नगरपालिकाले १ थान स्काभेटर र १ थान जेसिबी प्रयोग गरेर खहरे रोक्न तटबाँध लगाएको छ ।<br></p>