20.71¡ÆC
१८ चैत, काठमाडौं ।
राष्ट्रिय पत्रकारिता दिवस मूल समारोह समितिको बुधवार बसेको पहिलो बैठकले दिवसलाई तीन दिनसम्म देशव्यापी मनाउने निर्णय गरेको छ ।
सूचना तथा सञ्चार मन्त्रालयमा बसेको बैठकमा आगामी वैशाख २३, २४ र २५ गतेसम्म दिवस मनाउने निर्णय भएको हो ।
बैठकको अध्यक्षता गर्दै सूचना तथा सञ्चारमन्त्री शेरधन राईले राष्ट्रिय पत्रकारिता दिवसको ऐतिहासिक महत्व भएकाले कार्यक्रमलाई भव्य बनाउन सबैको सहयोगका लागि आग्रह गर्नुभयो । उहाँले सरोकार भएका संस्थाबाट प्राप्त सुझावका आधारमा अर्को बैठकले विस्तृत कार्यक्रम तय गर्ने बताउनुभयो ।
मन्त्रिपरिषद्को गत माघ २० गतेको निर्णयले गोरखापत्र प्रकाशनको मिति वैशाख २४ मा दिवस मनाउने निर्णय गरेको थियो । नेपालको पुरानो अखबार गोरखापत्र १९९८ वैशाख २४ मा प्रकाशन भएको थियो ।
मन्त्रालयका सचिव दिनेशप्रसाद थपलियाले दिवसलाई तीन दिनसम्म्म देशव्यापीरुपमा मनाउन तयारी भएको जानकारी गराउँदै दिवसका अवसरमा आयोजना हुने आफ्ना कार्यक्रम आगामी वैशाख १० गतेभित्र पेस गर्न सबै निकाय र संस्थालाई आग्रह गर्नुभयो ।
