7.12C
काठमाडौँ । सल्यानमा मिनी ट्रक दुर्घटना हुँदा तीन जनाको ज्यान गएको छ । दुर्घटनामा आठ जना घाइते भएका छन् । कपुरकोट गाउँपालिका–६ सिनबाङ्गको दुबेदेबाट धान र पराल लिएर सिनबाङ्ग जाँदै गरेको मिनी ट्रक हिजो बेलुका दुर्घटनामा परेको हो ।
दुर्घटनामा स्थानीयवासी १४ वर्षीय गोवर्द्धन खड्का, १२ वर्षीय डिल्ली भन्ने अनिल भण्डारी र १५ बर्षीया सिर्जना बस्नेतको ज्यान गएको गाउँपालिकाका अध्यक्ष दुर्गा पुनले जानकारी दिनुभयो ।
दुर्घटनामा १३ वर्षीया खुमा बस्नेत र सृजना बस्नेत, ३५ वर्षीया नन्दा बस्नेत, १७ वर्षीय जीत सागर बस्नेत र संजीव बस्नेत, २९ वर्षीय शंकर खड्का, ३५ वर्षीय देवबहादुर बस्नेत, २२ वर्षीय हिक्मत थापा र गाडी चालक २४ वर्षीय मानबहादुर भण्डारी घाइते हुनुभएको छ । उहाँहरु सबैको कपुरकोट गाउँपालिकाको अस्पतालमा उपचार भइरहेको प्रहरीले जनाएको छ ।
