24.34¡ÆC
त्रिशूली । नेपाल क्षयरोग निवारण संस्था जिल्ला शाखा नुवाकोटको १६ औ बार्षिक साधारणसभा सम्पन्न भएको छ । सँस्थाको जिल्ला सभापति निरनमान डंगोल अध्यक्षतामा हिजो शनिबार भएको कार्यक्रममा सँस्थाका उप–सभापति दिवाकर शर्मा रिमालले संस्थागत बार्षिक र भावि कार्य योजनाको प्रतिवेदन तथा कोषाध्यक्ष शर्मिला श्रेष्ठले संस्थाको आय/व्यय पेश गर्नुभएको थियो ।
क्षयरोग निवारण गर्ने उद्देश्यले सक्रिय रहेको सँस्थाले गर्दै आइरहेको कार्यमा अहिले ६२ जना आजिवन सदस्य र १० साधारण सदस्यहरु आबद्ध रहेको नेपाल क्षयरोग निवारण संस्था नुवाकोटका सचिव शर्मिला थापामगरले जानकारी दिनुभएको छ ।
उहाँको अनुसार क्षयरोग निवारण गर्ने उद्देस्यका साथ निरन्तर सक्रिय रहेको सँस्थाले विद्यालयस्तरमा जुनियर नाटा गठन गरि विद्यालय र समुदायस्तरमा जनचेतनामुलक कार्यक्रमहरु सञ्चालन गर्दै सचेतना जगाउदै आइरहेको छ ।
कार्यक्रममा नेपाल समाजवादी पाटीका नुवाकोटको अध्यक्ष भगवान रानामगरले संस्थाले जिल्लामा गर्दै आइरहेको कार्यक्रमलाई अबदेखि पालिका र वडाहरुसंग समन्वय गरेर विस्तारित रुपमा अघि बढाई जिल्लालाई क्षयरोग मुक्त जिल्ला बनाउने प्रयासलाई सफल बनाउन सुझाब दिनुभएको छ ।
विद्यालयस्तरमा नेपाल क्षयरोग निवारण संस्थाले कार्य गरि विद्यालयस्तरबाट क्षयरोग निवारण सम्बन्धित जनचेतना जगाउन अझ धेरै सहज हुने भएकाले विद्यालयतहमा लक्षित कार्यक्रम सञ्चालन गर्नको लागी सँस्थाको आजिवन सदस्य मुकुन्दप्रसाद रिजालले सुझाब दिनुभएको छ ।
