21.12¡ÆC
त्रिशूली । नुवाकोट युनाइटेड फुटबल क्लबको आयोजनामा “दोस्रो एनयुएफसी अन्तर विद्यालय जिल्लास्तरिय फुटबल प्रतियोगिता” आजदेखि सुरु हुन लागेको छ ।
आज माघ ६ गते शुक्रबारदेखि सुरु भएर यही माघ १४ गतेसम्म सञ्चालन हुने प्रतियोगितामा छात्र र छात्रा दुवै समूहको फरक फरक प्रतिस्पर्धा गराउन लागिएको क्लबका अध्यक्ष रामकुमार कोइरालाले जानकारी दिनुभएको छ ।
उहाँको अनुसार छात्रतर्फ १८ विद्यालयको सहभागिता रहेको छ ।
छात्रातर्फ सात विद्यालयको सहभागिता रहेको छ ।
प्रतियोगिताको उद्घाटन आज १ बजे नुवाकोट आदर्श बहुमुख क्याम्पसको खेल मैदान बट्टारमा हुन लागेको क्लबका सचिव रबिन भुजेलले जानकारी दिनुभएको छ । उहाँको अनुसार प्रतियोगिताको आज हुने उद्घाटन खेलमा छात्रतर्फ रणभुवनेश्वरी मावि देवीघाटसंग जेडि बोर्डिङ बट्टारले र छात्रातर्फ भैरवी मावि नुवाकोटले अर्किड एकेडेमी बट्टारसंग प्रतिस्पर्धा गर्न लागेको छ ।
आजदेखि सुरु हुने प्रतियोगितामा छात्रतर्फ प्रथम २५ हजार र दोश्रोले १५ हजार रुपैयाँ नगद पाउने छ भने छात्रातर्फ प्रथमले १० हजार र दोश्रोले ५ हजार रुपैयाँ पाउने छ । साथमा मेडल, ट्रफी र प्रमाणपत्र प्राप्त समेत प्रदान गरिने भएको छ । यस्तै, खेलभरबाट अनुशासित टिम, उत्कृष्ट खेलाडी र उत्कृष्ट गोलकिपर समेत चयन गरिने छ ।
