22.93¡ÆC
रसुवा । निर्वाचन अवधिभर रसुवा जिल्लामा मदिरा बिक्री वितरण गर्न रोक लगाइएको छ ।
निर्वाचनलाई स्वच्छ, स्वतन्त्र, निष्पक्ष भयरहित र शान्तिपूर्ण वातावरणमा सम्पन्न गर्न भन्दै सोमबारदेखि लागू हुने गरी मदिरा बिक्री वितरणमा रोक लगाइएको हो ।
मदिरा सेवनका कारण मतदाता, मतदान सम्बन्धी गतिविधि र निर्वाचन प्रचारप्रसारमा असर गर्ने भएकाले निर्वाचन अवधिभर मदिरा बिक्री वितरणमा रोक लगाइएको प्रमुख जिल्ला अधिकारी नवराज जैसीले बताउनुभएको छ ।
निर्वाचन आचारसंहिता कडाईका साथ पालना गराउन मदिरा बिक्री वितरण र सेवन कार्य नगर्न/नगराउन भन्दै जिल्ला प्रशासन कार्यालय रसुवाले सूचना जारी गरेको छ । नियमविपरीत मदिरा बिक्री वितरण गरेमा तथा सेवन कार्य गरेको पाइएमा प्रचलित कानुन बमोजिम कारबाही हुने प्रमुख जिल्ला अधिकारी नवराज जैसीले चेतावनी दिनुभएको छ ।
