माओवादी सरकार छाड्ने भन्दा सेयर बजार ओरालो

असार २९, २०७३ मा प्रकाशित
Published at 2016-07-13

510 views

२९ असार, काठमाडौं ।
नेकपा माओवादी केन्द्रले वर्तमान सरकार छाड्ने निर्णय लिएको कारण मंगलबार नेपाली सेयर बजारमा उतार चढाव भइ सामान्य गिरावट भएको छ ।

माअ‍ोवादीको निर्णयलगत्तै ४८ अंकसम्म घटेको सेयर बजार सूचक 'नेप्से' बन्द हुने समयमा भने सम्हालिएर सोमवारको तुलनामा ९ अंकको मात्रै गिरावट भयो ।

दिउँसो बढेर १७ ०८ सम्म पुगेको सेयरबजार ओरालो लागेर १६५४ सम्म झरेको थियो । तर, अन्तिम समयमा कारोबारमा सुधार भइ बन्द हुने समयमा सेयर बजारमा फेरि सामान्य गिरावट आउँदा १६९३ अंकमा झरेर बजार बन्द भयो ।

मंगलवारको कारोबार सुरु हुँदा नेप्से सूचक १७०२ थियो । शेयर बजारमा सोमवार पनि २० अंकले गिरावट भएको थियो ।

मंगलबार बैंकिङ, फाइनान्स, होटल, जलविद्युत, विकास बैंक र बीमा समूहको परिसूचक सामान्य ऋणात्मक रहे भने उत्पादनमूलक र टेलिकम सूचीकृत अन्य समूह को कारेवारमा सामान्य सुधार भएको छ ।




प्रतिक्रिया

सम्बन्धित खवर

ताजा समाचार

TopNepalNews copyright © 2021 News. All Rights Reserved. Website by Muncha Developers.