16.62¡ÆC
१६ चैत, सोल ।
हुण्डी दलालहरुको बिगबिगी र बिना आधिकारीकता नेपाल पैसा पठाउने हुण्डी दलालहरुबाट सयौं नेपाली ठगिन थालेपछि यहाँस्थित दूतावासले आधिकारीक बैंकिङ संस्थाबाट मात्र नेपाल पैसा पठाउन नेपालीहरुलाई आग्रह गरेको छ ।
नेपाली दुताबास दक्षिण कोरियाले एक सूचना नै प्रकाशित गरि कोरियामा कार्यरत नेपालीहरुलाई हुण्डी मार्फत पैसा नपठाउन आग्रह गरेको छ ।
दूताबासले प्रकाशित गरेको सुचनामा हुण्डी कारोबार अवैधानिक र गैरकानुनी समेत भएको स्पष्ट पारेको छ ।
कोरियाका ठुला बैंक र नेपाली बैंकहरुको समन्वयमार्फत सञ्चालित रेमिट्यान्सबाट आर्थिक कारोबार गर्न नेपाली दूतावासले आग्रह गरेको छ ।
कम शुल्क लिने भन्दै जथाभावी खुलेका हुण्डी संस्थाले सयौं नेपालीबाट पैसा ठगेको सूचना पछि यस्ता संस्था र व्यक्तिमाथी कारवाही गर्न दूतावासले पत्राचार र पहल थालेको दूतावासले जनाएको छ ।
यसैगरी दुवावासले जारी गरेको सुचनामा कोरियाका नेपाल रेमिट, केइबी, हाना र कुकमिन बैंक तथा डिजीटेक रेमिट्यान्स, हुलास रेमिट्यान्स, सूर्य रेमिट र माया रेमिट प्रालिलाई राष्ट्र बैंकले रकमको कारोबार गर्न इजाजत दिएको भन्दै यस्तै अन्य आधिकारीक संस्थाबाट मात्र कारोबार गर्न भनेको छ ।
