यातायात रोकिए : इन्धन र खाद्यान्न कति छ मौज्दात ?

<p><span style="line-height: 1.42857143;">काठमाडौं,असार १८ । पहिरोले उपत्यका प्रवेश गर्ने नाका पटकपटक अवरुद्ध हुन थालेका छन् । वर्षासँगै उपभोक्ताले खाद्यान्नको जोहो गर्न थालेका छन् । तर, वर्षाले बाटो छेके पनि खाद्यान्नलगायतको मौज्दात पर्याप्त रहेको खाद्य संस्थानको दाबी छ ।</span><br></p><p><b style="line-height: 1.42857143;">चामल अभाव हुन्न : खाद्य संस्थान</b><br></p><p>खाद्य संस्थानले आफ्ना सबै गोदाममा चामल पर्याप्त मौज्दात रहेकाले उपत्यका भित्रिने नाका अवरुद्ध भए पनि अभाव नहुने दाबी गरेको छ । ‘देशभरका हाम्रा सबै गोदाममा अहिले पूर्ण क्षमतामा चामल भण्डारण गरिएको छ,’ संस्थानका महाप्रबन्धक शिवहरि श्रेष्ठले भने, ‘आपूर्ति गर्न कठिनाइ हुने स्थानमा यसअघि नै पठाइएको छ । थप आपूर्तिका लागि आपूर्ति मन्त्रालयसँग कुरा भइरहेको छ ।’</p><p>संस्थानसँग भूकम्पपीडितका लागि बंगलादेश तथा चीन सरकारले उपलब्ध गराएको चामल पनि मौज्दात रहेको श्रेष्ठले बताए । ‘नियमित मौज्दात राख्नुपर्ने जति राखेका छौँ,’ उनले भने, ‘माग भएका स्थानमा आपूर्ति भइरहेको छ ।’ काठमाडौंसहित झापा, सुर्खेत, नेपालगन्जलगायतका स्थानमा संस्थानका भण्डारण केन्द्र छन् ।</p><p><b style="line-height: 1.42857143;">इन्धन अभाव हुन दिन्नौँ : निगम</b><br></p><p>नेपाल आयल निगमका निगमका प्रवक्ता मुकुन्द घिमिरेले नियमित आयात भइरहेकाले राजमार्ग एक–दुई दिन अवरोध हुँदैमा इन्धन अभाव नहुने बताए । ‘काठमाडौंमा एक थोपा पनि इन्धन भित्रिएन भने पनि तीन दिनका लागि पर्याप्त मौज्दात छ,’ घिमिरेले भने, ‘राजमार्गबाट आवतजावत भइरहने भएकाले आत्तिनुपर्दैन ।’</p><p><b style="line-height: 1.42857143;">तरकारी अभाव नहुने, भाउ बढ्न सक्ने</b><br></p><p>वर्षा सिजन सुरु भएसँगै तरकारी लगाइएको खेतमा धान लगाउन थालिएकाले आपूर्तिमा केही कमी हुने र भाउ बढ्न सक्ने कालिमाटी फलफूल तथा तरकारी बजार विकास समितिले जनाएको छ । तर, उपत्यकाआसपासका जिल्लाबाट धेरै तरकारी भित्रने भएकाले राजमार्ग अवरोध भए पनि अभाव नहुने समितिका योजना अधिकृत रमेश डंगोलले बताए । नयाँ पत्रिका दैनिकमा खबर छापिएको छ ।</p><p><br></p>