क्यान्सर रोगबाट ग्रसित केन्द्रीय कार्यालयका सुरक्षा गर्ड गुरुङको उपचारमा समस्या, कांग्रेस बेखवर

बैशाख १५, २०७९ मा प्रकाशित
Published at 2022-04-28

150 views

काठमाडौं । नेपाली कांग्रेस केन्द्रीय कार्यालय आफ्नै सुरक्षा गार्डको स्वास्थ्य स्थितिप्रति बेखवर बनेको छ । विगत २५ वर्षदेखि केन्द्रीय कार्यालयमा कार्यरत वीरबहादुर गुरुङ क्यान्सर जस्तो प्राणघातक रोगसँग जुधिरहेका छन ।

रक्त क्यान्सरबाट १५ वर्षदेखि पीडित गुरुङ सैनिक अस्पताल छाउनीमा उपचाररत छन । लामो समयदेखि क्यान्सरले ग्रसित गुरुङलाई आर्थिक अभावका कारण उपचारमा समस्या भएको छ । कृष्णप्रसाद भट्टराई सभापति हुदा केन्द्रीय कार्यालयमा सेवा प्रवेश गरेका गुरुङ हालसम्म पनि सुरक्षा गर्डको रुपमा कार्यरत छन । सरकारमा समेत नेतृत्व गरिरहेको दल नेपाली कांग्रेस पार्टीले गुरुङको उपचार चासो नदिएको गुनासो उनकी छेरी कमला गुरुङले गरेकी छिन । उनको गुनासो अस्वभाविक पनि छैन । पार्टी कार्यालयका सचिवहरु सामान्य विरामी हुँदा पार्टीको नामबाट लाखौ रुपैयाँ खर्चिन गरेको रहस्य खुलेको छ ।
कयौपटक जीवन मरणको दोसाधमा अस्पतालको शैयमा छट्पटाएका उनी असधीको साहरामा जीउदै आएका छन । लामो समय पार्टी कार्यालयमा काम गरेका गुरुङ पाको उमेर र अस्वस्थ शरिर भएपछि खाली हात जागिरबाट निस्कन बाध्यात्मक अवस्था सिर्जना भएको गुनासो पोख्दै आएका छन । उनी जागिरबाट निस्कदा पार्टीले उपदानको व्यवस्था गरिदिनु पर्ने माग राख्दै आएका छन ।

प्रतिक्रिया

सम्बन्धित खवर

ताजा समाचार

TopNepalNews copyright © 2021 News. All Rights Reserved. Website by Muncha Developers.