27.12¡ÆC
काठमाडौ । नेपाल र भारतका राष्ट्रिय टिमबीच दशरथ रगशालामा हुने दुई मैत्रीपूर्ण खेलमा दर्शकलाई रगशाला प्रवेशको अनुमति दिइने भएको छ । माल्दिभ्सको मालेमा असोजमा हुने साफ च्याम्पियनसिपको तयारीमा रहेका नेपाल र भारतले पहिलो मैत्रीपूर्ण खेल भोली बिहीबार खेल्नेछन् । दोस्रो खेल आइतबार हुने तय छ ।
दर्शकसहितको खेल गराउनका लागि राष्ट्रिय खेलकुद परिषद, युवा तथा खेलकुद मन्त्रालय, जिल्ला प्रशासन कार्यालयलगायत सबै निकायबाट अनुमति लिइसकिएकाे आयोजक अखिल नेपाल फुटबल संघले बुधबार पत्रकार सम्मेलनमा जानकारी गराएको छ । भिआइपीवाहेकको प्यारापिटमा ५ हजार १ सयसम्म दर्शक राख्न अनुमति दिइएको संघका अध्यक्ष कर्माछिरिङ शेर्पाले पत्रकार सम्मेलनमा बताए ।
मैत्रीपूर्ण खेलका लागि भारतीय राष्ट्रिय टोली मगलबार काठमाडौं आइसकेको छ । भारतले यही खेलका लागि दुई साता कोलकातामा अभ्यास गरेको थियो । नेपाली टोली पनि दुई साताको विशेष प्रशिक्षण सकेर पोखराबाट काठमाडौं आइसकेको छ । नेपाली टोली साफ च्याम्पियनसिपका लागि पछिल्लो दुई महिनादेखि तयारीमा थियो ।
