27.12¡ÆC
काठमाडौं । १३औं दक्षिण एसियाली खेलकुद (साग)का लागि खरिद गरिएको उसुका म्याट र बास्केटबल ब्याकस्टप उचित व्यवस्थापन नहुदा राज्यको करौडौं लगानी व्यर्थ बनेको छ । सागका लागि राष्ट्रिय खेलकुद परिषद (राखेप)ले उसुलाई थाउलो म्याट एक सेट तथा सान्सो प्लेटफर्म २ थान उपलब्ध गराएको थियो । यसैगरी बास्केटबल संघलाई ३ सेट ब्याकस्टप उपलब्ध गराएको थियो ।
साग सकिएको २ वर्ष पूरा हुन लागिसक्यो । तर सागका लागि आएका करोडौंका खेल सामाग्री प्रयोगमा त आएनन नै, तिनको उचित व्यवस्थापन समेत हुन नसक्दा लगानी व्यर्थ हुने खतरा बढेर गएको छ ।
सम्बन्धित खेलका नियमनकारी निकायका रुपमा क्रियासिल नेपाल उसु संघ र नेपाल बास्केटबल संघ तथा सम्पूर्ण नेपाली खेलकुदको सर्वोच्च निकाय राखेप गैह्रजिम्मेवार बन्दा करोडौं खर्चेर ल्याइएका खेल सामाग्रीको यो दूर्गति भएको हो ।
खेलकुद सामाग्रीको व्यवस्थापनबारे सोध्दा राखेप, उसु संघ र बास्केटबल संघ एकअर्कालाई आरोप लगाउदै पन्छिदै आएका छन् । राखेपका भण्डार शाखाका प्रमुख सुजन खतिवडा सम्बन्धित संघलाई खेलकुद सामाग्री हस्तान्तरण गरिसकेको बताउँदै ति सामानको प्रयोग र व्यवस्थानको जिम्मेवारी सम्बिन्धित संघकै हुने बताउँछन् ।
‘हामीले १३औं सागमा सम्बन्धित संघहरुलाई खेलकुद सामाग्री उपलब्ध गराएका थियौ,’ खतिवडाले भने, ‘त्यसैले ती सामानहरुको उचित व्यवस्थापनको जिम्मेबारी पनि ती संघहरुकै हो ।’
यता नेपाल उसु सघका महासचिव लाक्पा लामाले भने राखेपले संघका कुरा नसुन्ने र आफै पनि खेल सामाग्रीहरुको व्यवस्थापन नगर्ने व्यवहार देखाउँदा समस्या आएको प्रतिक्रिया दिए ।
‘उसु खेलले पनि १३औं सागमा आफ्नो दरिलो उपस्थिती जनाएको थियो । तर यो खेल अहिलेसम्म पनि सरकारको प्राथमिकतामा पर्न सकेन,’ उनले भने, ‘हामीले तत्कालिन सदस्यसचिव केशवकुमार विष्टकै पालादेखि उसुका लागि सेमिकभर्डहल उपलब्ध गराइदिन बारम्बार आग्रह गर्दै आएका छौं । वर्तमान सदस्य सचिव रमेशकुमार सिलवाललाई पनि हामीले सेमिकभर्डहल उपलब्ध गराउनका लागि पटकपटक आग्रह गरिसकेका छौं । तर हाम्रो आग्रहको अहिलेसम्म सुनुवाई भएको छैन ।’
