नेटवर्किङ व्यापार खुल्ला, पिरामिड शैली प्रतिबन्ध

<p>१ असार, काठमाडौं ।<br>सरकारले नेटवर्किङ व्यवसायलाई बैधता दिएपनि पिरामिड शैलीमा यस्तो व्यवसाय गर्न नपाउने व्यवस्था गर्ने भएको छ। कारोबार दैनिकमा समाचार छ।<br>&nbsp;<br>सदस्य संख्या बढाउँदै पिरामिड आकारमा सञ्जाल विस्तार गरी बस्तु तथा सेवा बिक्री गर्ने व्यवसायीले गठी गरेपछि सरकारले कानुन बनाएरै यस्तो व्यवसायमा प्रतिबन्ध लगाएको हो। वाणिज्य मन्त्रालयले तयार गरेको बस्तु तथा सेवा प्रत्यक्ष बिक्री एेनमा यस्तो व्यवस्था गरिएको छ।<br>&nbsp;<br>सर्वोच्च अदालतले ६ वर्षअघि नै नेटवर्किङ व्यवसायसम्बन्धी कानुन बनाउन सरकारलाई आदेश दिएको थियो। संविधानबमोजिम कुनै पेसा व्यवसाय गर्न रोक्न नमिल्ने भएकाले नेटवर्किङ व्यवसायलाई भने बैधता दिइने भएको छ।<br>&nbsp;<br>सोही बमोजिम नेटवर्किङको ठगी रोक्न तथा नियमन गर्न ऐन तयार पारिएको वाणिज्य मन्त्रालयले जनाएको छ। वाणिज्य मन्त्रालयका कानुन उपसचिव श्रीरामजी दर्नाइका अनुसार नयाँ कानुनले नेटवर्किङ व्यवसाय गर्न पाइने व्यवस्था गरेको छ। <br>&nbsp;<br>युनिटी लाइफ इन्टरनेश्नल, हर्वो इन्टरनेशनल, गोलक्वेस्ट, क्रिस्टल भिजन लिमिटेडलगायतले पिरामिड आकारको व्यवसाय सञ्चालन गरी नेपालीलाई ठगी गरेपछि सरकारले प्रतिबन्ध लगाएइको थियो।<br>&nbsp;<br>युनिटी&nbsp; लाइफ र हर्बो इन्टरनेसनलका सञ्चालकलाई पक्राउ गरी कारबाही भइसकेको छ। <br><br></p>