काँग्रेस नेता आचार्यबाट तीन अस्पताललाई भेन्टिलेटर उपलब्ध

<p><b>त्रिशूली । विघटित प्रतिनिधिसभा सदस्य एवम् नेपाली काँग्रेसका नेता मोहन आचार्यले रसुवा र नुवाकोटका तीन सरकारी अस्पताललाई मिनीभेन्टिलेटर सहितका अत्यावश्यक स्वास्थ्य सहायता सामाग्री बिहीबार उपलब्ध गराउनुभएको छ ।<br></b></p><p><b>विशेषगरी कोरोना रोगबाट सक्रमित भएका बिरामीको उपचार सेवा प्रभावकारी बनाउने उद्देष्यले नेता आचार्यले रसुवाको जिल्ला अस्पताल धुन्चे र जिबजिबे ग्रामिण अस्पताललाई दुई–दुई थान मिनी भेन्टिलेटर सहितको स्वास्थ्य सहायता सामाग्री उपलब्ध गराउनुभएको हो । उहाँले रसुवाको लागी मिनिभेन्टिलेटर चारथान सहित अक्सिमिटर ३० थान, आधुनिक श्यया पाचथानको साथमा सर्जिकल मास्क तीन हजार थान रसुवाका प्रमुख जिल्ला अधिकारी इश्वरीप्रसाद ढकाललाई हस्तान्तरण गर्नुभयो । उक्त सहायता सामाग्रि रु.१६ लाख मूल्य बराबरको रहेको स्वास्थ्य कार्यालय रसुवाले जनाएको छ ।</b></p><p><b>उक्त अवसरमा काँग्रेस नेता आचार्यले कोरोना रोगको संक्रमण बढेसँगै जटिल प्रकृतिका बिरामीहरु देखिन थालेको र उपचारका लागि रसुवाबाट बाहिरी जिल्ला जानुपर्ने बाध्यता अन्त्य गराउन सहयोग पुग्ने विश्वास लिएको बताउनुभयो । “रसुवाका स्थानीयतहका अध्यक्षहरुसंग समन्वय गरेर मागअनुसारको सामाग्रि उपलब्ध गराएको हो ।” उहाँले भन्नुभयो “माग र आवश्यकता अनुसार अक्सिमिटर लगायतको सामाग्रि जिल्ला संकट व्यवस्थापन केन्द्र मार्फत वितरण गर्न भनेका छौ ।”</b></p><p><b>यसैबीच, काँग्रेस नेता आचार्यले बिहीबार नै त्रिशुली अस्पताल नुवाकोटलाई दुई थान मिनि–भेन्टिलेटर सहित एकथान आइसियुमा प्रयोग हुने सामाग्रि (एभिजी) सहितको स्वास्थ्य सहायता सामाग्रि अस्पतालका अध्यक्ष अजुर्नप्रसाद न्यौपानेलाई प्रदान गर्नुभयो । उक्त सामाग्रिको मूल्य रु.१६ लाख बराबरको रहेको छ ।&nbsp; &nbsp;</b></p><p><b>उहाँले चालु आर्थिक वर्षमा त्रिशूली अस्पतालको लागी ‘स्थानीय पूर्वाधार विकास साझेदारी कार्यक्रम’को रु.४६ लाख समेत सहयोग उपलब्ध गराउनुभएको थियो ।</b></p><p><b>रसुवा र नुवाकोटका बिरामीको उपचार सेवा प्रभावकारी बनाउन सरकारी मात्रै नभई व्यक्तिगत लगानीमा उहाँ मार्फत एम्बुलेन्स सेवा सञ्चालन, स्वास्थ्यबीमा कार्यक्रम, स्वास्थ्य सहायता सामाग्रि उपलब्ध लगायतको सहयोग निरन्तर हुदै आइरहेको छ ।&nbsp;</b></p><div><br></div>