चुनावी सुरक्षाको लागी नेपाल प्रहरीले माग्यो साढे १२ अर्ब रुपैयाँ

<p><b>विदुर । नेपाल प्रहरीले आसन्न मध्यावधि निर्वाचनका लागि संगठनलाई कम्तिमा साढे १२ अर्ब रुपैयाँ आवश्यक पर्ने अनुमानित खर्च विवरण गृह मन्त्रालयमा पेश गरेको छ ।&nbsp;<br></b></p><p><b>२०७४ सालमा भएको प्रतिनिधिसभाको निर्वाचनमा भएको खर्चको आधारमा नयाँ विवरण तयार पारेर खर्च विवरण पेश गरिएको हो । मन्त्रालयका अनुसार म्यादी प्रहरी भर्नाका लागि साढे ५ अर्ब लाग्ने अनुमान गरिएको छ भने साधारणतर्फ ३ अर्ब र पुँजीगततर्फ ४ अर्ब खर्च आवश्यक रहेको प्रहरी प्रधान कार्यालयले अनुमान सहितको खाका पेश गरेको हो ।</b></p><p><b>साधारणतर्फ तलब, भत्ता लगायत राखिएको छ भने पुँजीगततर्फ प्रहरीले सवारीसाधन, सञ्चार सेट लगायतका उपकरण माग गरेको छ ।</b></p><p><b>मन्त्रालयका अनुसार प्रहरीले अघिल्लो निर्वाचनका वेला पनि नयाँ गाडी नआएकाले यसपटक कम्तिमा दुई सय बढी पिकअप गाडी चाहिने भनेको छ । यसैगरी, सञ्चार सेट समेत अपर्याप्त रहेको प्रहरीले जनाएको छ ।</b></p><p><b>&nbsp;<span style="white-space:pre"> </span>सरकारले वैशाखका लागि घोषणा गरेको मध्यावधि निर्वाचन हुन्छ र हुँदैन भन्ने अन्यौलताका बीच सुरक्षा निकायले निर्वाचनको तयारी गरिरहेको छ । यद्यपि, म्यादी प्रहरी भर्ना जस्ता कार्यका लागि भने सर्वोच्च अदालतको आदेश कुरिरहेको छ ।</b></p>