19.12¡ÆC
<p>२९ जेठ, काठमाडौं ।<br>नेपाल विद्युत प्राधिकरणले अनौपचारिक रुपमा विद्युत कटौती 'लोडसेडिङ' को अवधि दैनिक नौ घण्टाबाट घटाएर पाँच घण्टामा सीमित गरेको छ ।</p><p>नदीहरुमा पानीको बहाव बढेको र भारतबाट आयात गरिएको विद्युतको व्यवस्थापनबाट अनौपचारिक रुपमा लोडसेडिङ घटाएर दैनिक पाँच घण्टा आसपासमा सीमित गरिएको नेपाल विद्युत प्राधिकरणका कार्यकारी निर्देशक मुकेशराज काफ्लेले जानकारी दिनुभयो ।</p><p>कार्यकारी निर्देशक काफ्लेले दैनिक पाँच घण्टा हुने लोडसेडिङ पनि विद्युतको अत्यधिक माग हुने विहान र बेलुकाको समयमा मात्र हुने र दिउँसोको समयमा भने प्रायः लोडसेडिङ नहुने बताउनुभयो ।</p><p>कार्यकारी निर्देशक काफ्ले आगामी हिउँदमा लोडसेडिङ हुन नदिनका लागि भारतबाट तीनसय मेगावाट विद्युत आयातका लागि प्रक्रिया अगाडि बढाइसकिएको स्पष्ट गर्नुभयो ।</p><p>उहाँले आन्तरिकतर्फ पनि ५० मेगावाट क्षमताको मस्र्याङ्दी ‘ए’ जलविद्युत आयोजनाबाट आगामी सेप्टेम्बरदेखि तथा १४ मेगावाट क्षमताको कुलेखानी तेस्रो जलविद्युत आयोजनाबाट आगामी डिसेम्बरदेखि विद्युत उत्पादन शुरु हुने पनि जानकारी दिनुभयो ।<br><br></p>
