२० केजी चरेस सहित पाँच जना पक्राउ

<p>विदुर । धादिङको बेनिघाट–रोराङ गाउँपालिका वडा नं. ४ स्थित मलेखु–ताल्ती कच्ची सडकखण्डबाट अवैध लागूऔषध २० केजी चरेस सहित पाँच जनालाई प्रहरीले पक्राउ गरेको छ । उनीहरुसँग चरेस बनाउन प्रयोग हुने एक लिटर झोल पदार्थसमेत नियन्त्रणमा लिएको धादिङ प्रहरीले जनाएको छ ।&nbsp;<br></p><p>पक्राउ पर्नेमा मकवानपुर घर भएका २८ वर्षीय सुकलाल गोम्बो, १९ वर्षीय भिमवहादुर गोम्वो, २२ वर्षीय पासाङ तामाङ, काछामान स्याङ्गतान र चरेस खरिद गर्न आएका म्याग्दी घर भएका&nbsp; ३० वर्षीय तिलक विश्वकर्मा रहेको प्रहरीले जनाएको छ ।</p><p>प्रहरीको टोलीले उनीहरुसंग खानतलास गर्ने क्रममा ठूलो परिणामको चरेश सहित केही नगद रुपैयाँ समेत बरामद भएको गजुरी स्थित प्रहरी नायब उपरीक्षक खडगबहादुर खड्काले जानकारी दिनुभयो ।&nbsp;</p>