रिक्त ५२ पदका लागि मतदान जारी

<p>काठमाडौ । प्रतिनिधि सभा, प्रदेश सभा र स्थानीय तहका गरी ५२ पदका लागि अहिले मतदान भइरहेकाे छ। ३७ जिल्लाका विभिन्न स्थानमा उपनिर्वाचनकाे मतदान भइरहेकाे हाे।<br></p><p>निर्वाचन आयाेगका अनुसार बिहान ७ बजेबाट मतदान सुरु भएकाे हाे। मतदाताले अपराह्न ५ बजेसम्म सम्बन्धित मतदानस्थल पुगेर मतदान गर्न सक्ने आयाेगले जनाएकाे छ। आयाेगले ढुक्कसँग मतदान गर्न मतदातालाई आग्रह गरेको छ।&nbsp;<br></p><p>अपांगता भएका व्यक्ति, गर्भवती, सुत्केरी, ज्येष्ठ नागरिक, अशक्त वा बिरामी मतदातालाई प्राथमिकता दिई मतदान गर्ने व्यवस्था मिलाइएकाे छ। आज हुने उपनिर्वाचनमा विभिन्न राजनीतिक दल र स्वतन्त्रका गरी ३ सय ३७ उम्मेदवार चुनावी मैदानमा छन्।&nbsp;&nbsp;</p><p><img src="https://topnepalnews.comuploads/posts/a2135ce8e757c5914906f97713434d661575094727.jpg" style="width: 1307px;"><br></p><p>आयाेगका अनुसार प्रतिनिधि सभातर्फ ३२ मतदान स्थल र ८२ मतदान केन्द्र, प्रदेश सभा सदस्यतर्फ ७८ मतदान स्थल र १७४ मतदान केन्द्र तथा स्थानीय तहतर्फ १३७ मतदान स्थल र २८१ मतदान केन्द्र तोकिएको छ। प्रतिनिधि सभातर्फ कास्की क्षेत्र नं. २, प्रदेश सभाको भक्तपुर १ (१), बागलुङ २ (२), दाङ ३ (२) मा उपनिर्वाचन हुँदैछ।</p><p>स्थानीयतर्फ सुनसरीको धरान उपमहानगरपालिकाको प्रमुखका लागि चुनाव हुँदैछ। संखुवासभाको मकालु, पाँचथरको फाल्गुनन्द र महोत्तरीको पिपरा गाउँपालिकाको अध्यक्ष तथा हुम्लाको खार्पुनाथ गाउँपालिकाको उपाध्यक्ष पदका लागि मतदान हुँदैछ। त्यस्तै, नगरपालिका तथा गाउँपालिकाका रिक्त ४३ वडाध्यक्ष पदका लागि आज मतदान भइरहेकाे हाे।<br></p>