राष्ट्रपतिबाट सातै प्रदेशको प्रदेस प्रमुख नियुक्त

<p>काठमाडौ । राष्ट्रपति विद्यादेवी भण्डारीले सातै प्रदेशका प्रमुखहरू नियुक्ती गरेकी छन्।&nbsp; सरकारले प्रदेश प्रमुखहरु नयाँ नामावली सिफारिस गरेपछि राष्ट्रपतिले सातै प्रदेशका प्रमुख नियुक्ती गरेको राष्ट्रपतिको कार्यालय जानकारी दिएको छ।<br></p><p>सोमबार बसेको मन्त्रिपरिषद्को बैठकले सात वटै प्रदेश प्रमुखका लागि नेकपाबाट आएका नाम अनुमोदन गरी राष्ट्रपतिसमक्ष सिफारिस गरेको थियो । सत्तारुढ दल नेपाल कम्युनिस्ट पार्टी (नेकपा)को आज बसेको सचिवालय बैठले सातै प्रदेशका प्रमुखको नाम टुंगो लगाएको थियो। सोही नामहरुलाई मन्त्रिपरिषद् बैठकले अनुमोदन गरेको हो।<br></p><p>७ प्रदेशका लागि पूर्व नेकपा (एमाले) र नेकपा (माओवादी केन्द्र)ले क्रमशः ४ र ३ स्थानमा भागबण्डा गरेका थिए।&nbsp; विष्णु प्रसाईं, सोमनाथ अधिकारी 'प्यासी', धर्मनाथ यादव र गोविन्द कलौनी पूर्व एमालेका नेताहरु हुन्। त्यस्तै, अमिक शेरचन, तिकल परियार र शर्मिला पन्त त्रिपाठी पूर्व माओवादीका हुन्।<br></p><p>आइतबार मात्रै सरकारको सिफारिसमा राष्ट्रपतिले सातै प्रदेशका प्रमुखलाई बर्खास्त गरेकी थिइन्। राष्ट्रपतिले पदावधि समाप्त हुनुभन्दा अगावै पदमुक्त गरेको अवस्थामा बाहेक प्रदेश प्रमुखको पदावधि पाँच वर्षको हुन्छ।&nbsp;</p>