उपचार गर्न डाक्टर नआएको भन्दै अस्पताल तोडफोड

<p>सप्तरी । डाक्टर ड्युटीमा नबसेको भन्दै सोमबार बिरामीका आफन्तले सप्तरीको राजविराजस्थित गजेन्द्रनारायण सिंह अस्पताल तोडफोड गरेका छन् । अर्थोपेडिक विभाग हाडजोर्नी तथा नशा रोगसम्बन्धी विशेषज्ञ डा. ज्ञानेन्द्र झा र डा. प्रनेश यादव अस्पताल नआएपछि आक्रोसित बिरामीका आफन्तले तोडफोड गरेको अस्पताल स्रोतले जनाएको छ । <br><br>तोडफोटबाट बिरामी जाँच्ने कोठामा क्षति पुगेको अस्पताल प्रशासनले जनाएको छ । तोडफोडमा संलग्नकाे आरोपमा राजविराज नगरपालिका–१ का २२ वर्षीय गुञ्जन झालाई प्रहरीले पक्राउ गरेको छ । <br><br>यसैगरी अस्पताल प्रशासनले डा. झा बिदामा रहेको र अर्का डा. यादव आपत्कालीन कक्षमा बिरामीको उपचार गरिरहेका बेला तोडफोड भएको जनाएको छ ।<br></p>