कुमरीको एनसेल टावरमा आगो लगाएको अभियोगमा रमण पक्राउ

<p>विदुर । नुवाकोटको बेलकोटगढी नगरपालिका–४ मा रहेको एनसेल टावरमा आगजनी गरेको अभियोगमा प्रहरीले नेत्रविक्रम चन्द समूहमा आबद्ध एक जनालाई पक्राउ गरेको छ ।<br>पक्राउ पर्नेमा यहाँको पञ्चकन्या गाउँपालिका–५ का २५ वर्षका प्रनिल पौडेल (रमण) रहेका छन् । रमणलाई लिखु गापा–६ स्थित छहरे बजारबाट नियन्त्रणमा लिएर अनुसन्धानको लागी जिल्ला अदालतबाट पाचदिन थुनामा राख्न सोमबार अनुमति लिइएको जिल्ला प्रहरी प्रमुख अविनारायण काफ्लेले जानकारी दिनुभयो ।</p><p><br>प्रहरीको अनुसार बा. ५८ प १३६२ नं.को मोटरसाइलकमा यात्रा गरिरहेका रमणलाई नियन्त्रणमा लिएर जिल्लामा विप्लव समूहबाट भएका आपराधिक क्रियाकलापका घटनामा अनुसन्धान अघि बढाइएको छ । <br>रमण र विप्वल समूहका जिल्ला सेक्रेटरी विन्तोष सिलवाल अशोक एउटै मोटरसाइकलमा चढेर छहरे बजारबाट थानापतीतर्फ जाने क्रममा मोटरसाइकलले दुर्घटना भएर रोकिएपछि उद्धारको लागी प्रहरी पुगेको थियो । प्रहरीलाई प्रतिकार गर्दै अशोक भाग्न सफल भएका हुन भने रमणलाई प्रहरीले नियन्त्रणमा लिन सफल भएको हो ।</p><p><br>रमणमाथी हाल गत साउन १६ मा बेलकोटगढी नपा–४ को एनसेल टावरमा आगजनी गरेको अपराधको अभियोग प्रहरीले लगाएको छ ।<br>रमण विप्लव समूहको जिल्ला सदस्य एवम् उक्त समूहको युवा संगठनका उपाध्यक्ष समेत रहेको प्रहरीले जनाएको छ ।<br><br><br></p>