कुवेत माथि नेपालको शानदार जीत

<p>काठमाडौ ।&nbsp; सिंगापुरमा जारी आईसीसी टी–ट्वान्टी विश्वकप छनोट अन्तर्गतको एसिया फाइनलको तेस्रो खेलमा नेपालले कुवेतलाई पराजित गरेको छ । आज भएको खेलमा नेपालले कुवेतलाई ७ विकेटले हराएको हो ।<br><br>ईण्डियन एसोसियसन क्रिकेट मैदानमा कुवेतले दिएको १ सय ४२ रनको लक्ष्य नेपालले १६ ओभर मात्र ३ विकेट गुमाएर पुरा गरेको हो । जितसँगै नेपालले ग्लोबल छनोटमा पुग्ने सम्भावना बलियो बनाएको छ । अब नेपालले भोली आयोजक सिंगापुरसँग अन्तिम खेल खेल्नेछ । सिंगापुरलाई पराजित गरे नेपाल शीर्ष स्थानमा रहँदै ग्लोबल छनोटमा पुग्ने छ ।<br><br>नेपालको जितमा कप्तान पारस खड्काले कीर्तिमानी अर्धशतक बनाउनुभयो । कप्तान पारसले ६८ रनको अर्धशतकीय इनिङ्स खेल्नुभयो ।<br><br>योसँगै कप्तान पारस टी–ट्वान्टी अन्तराष्ट्रियमा तीन अर्धशतक बनाउने पहिलो नेपाली खेलाडी बन्नुभएको छ ।<br><br>यस्तै शरद भेषवाकरले ३८ रन जोड्दा उपकप्तान ज्ञानेन्द्र मल्लले १९ रन बनाउनुभयो ।<br><br>यसअघि टस हारेर पहिले ब्याटिङ गरेको कुवेतले पुरै २० ओभर खेल्दै ९ विकेट गुमाएर १ सय ४१ रन बनाएको थियो ।<br><br>कुवेतलाई सस्तैमा रोक्न स्पिनरद्वय सन्दीप लामिछाने र बसन्त रेग्मीले ३,३ विकेट लिनुभयो ।<br>यस्तै करण केसीले २ तथा अविनाश बोहराले १ विकेट लिनुभयो ।<br></p>