नुवाकोटको सिसडोलमा आगामी असोज देखी फोहोर नफालिने

<p>ओखरपौवा । आगामी असोज महिनादेखि काठमाडौं उपत्यकाको फोहर सिसडोल ल्याण्डफिल साइटमा नफालिने भएको छ । शहरी विकास मन्त्रालयले बञ्चरे डाँडामा फोहर फाल्नका लागि पूर्वाधार तयार हुने भएकाले असोजदेखि सिसडोल क्षेत्रमा फोहर फ्याक्नु नपर्ने स्पष्ट पारेको छ ।<br><br>हाल लुम्बिनी–कोशी–न्यौपाने जेभीले बञ्चरे डाँडामा पूर्वाधार निर्माणको ठेक्का पाएर धमाधम काम गरिरहेका छन् । ‘छिटोमा भदौ ढिलोमा असोज महिनादेखि बञ्चरे डाँडामा फोहर फाल्नका लागि पूर्वाधार तयार हुन्छ, त्यसपछि सिसडोलमा फोहर फाल्नु पर्दैन’, शहरी विकास मन्त्रालयका प्रवक्ता कृष्ण प्रसाद दुवाडीले जानकारी दिए ।<br><br>मन्त्रालयले ३८ करोडको ठेक्का लगाएर बञ्चरे डाँडामा पूर्वाधार निर्माण प्रक्रिया अघि बढाएको हो । त्यसको शिलान्यास शहरी विकास मन्त्री मोहम्मद इस्तियाक राईले गरेका थिए । सिसडोलमा ४३२ रोपनी जमिनमा फोहर फालिँदै आएको छ । ३ वर्षका लागि भन्दै सिसडोलमा फोहर फाल्न सुरु गरिएको थियो । तर एक दशक भन्दा बढी समय बितिसक्दा समेत हालसम्म अर्काे विकल्प खोज्न सकिएको थिएन् । सिसडोलबासीले पटक पटक आन्दोलन गरेर फोहरको उचित व्यवस्थापन तथा उचित क्षतिपुर्ति र पुनस्थापनाको माग गर्दै आएका थिए ।<br><br>३ वर्षका लागि भन्दै सिसडोलमा फोहर फाल्न सुरु गरिएको भएतापनी एक दशक भन्दा बढी समय बितिसक्दा समेत हालसम्म फोहोर फालिरहेको छ । फोहरको उचित व्यवस्थापन तथा उचित क्षतिपुर्ति र पुनस्थापनाको माग गर्दै सिसडोलबासीले पटक पटक आन्दोलन गर्दै आएतापनी सम्बन्धित निकायले चासो नदेखाउदा समस्या झान झान बिकराल हुँदै गएको स्थानियबासी गुनासो गर्दै आएका थिए। तर अब फोहोर नफालिने निर्णयले सबै स्थानिय बासी खुशी भएका छन ।<br></p>