19.12¡ÆC
<p>कञ्चनपुर । खानेपानी मन्त्री बिना मगरलाई कालोझण्डा देखाएको भन्दै नेकपाका कार्यकर्ताले कांग्रेस कार्यकर्तामाथि कुटपिट गरेका छन्।<br><br>कञ्चनपुरको क्षेत्र नम्बर १ का सभापति गोपीप्रसाद उपाध्याय, तरुण दलका नेता राम खड्का र विक्रम चन्दमाथि नेकपा कार्यकर्ताले हमला गरेको प्रहरीले जनाएको छ ।<br><br>मंगलबार कञ्चनपुरको बेलौरी पुर्नवासको नगर परिषद्मा सहभागी बन्न पुगेकी मन्त्री मगरलाई डौकी बजारमा कांग्रेसका कार्यकर्ताहरुले कालोझण्डा देखाएका थिए। उनीहरुले निर्मला पन्तका हत्यारा पत्ता लगाउन नसकेको र जनताका काममा ध्यान नदिएको भन्दै कालो झण्डा देखाएका थिए।<br><br>कुटपिटबाट घाइते तीनै जनाको कैलालीको धनगढीस्थित सेती अञ्चल अस्पतालमा उपचार भइरहेको छ।<br><br>कञ्चनपुर क्षेत्र नम्बर १ का कांग्रेस कोषाध्यक्ष महेश जोशीले मन्त्री मगरले नेकपाका परिचालन गरेर कांग्रेस कार्यकर्तामाथि निर्घात कुटपिट गराएको बताएका छन् ।<br></p>
