मनिष श्रेष्ठ र युनिता श्रेष्ठको स्वर रहेको “ट्याटु खोपेर” सार्वजनिक (भिडियो सहित)

<p><b>काठमाडौ । </b><br>चर्चित लोकप्रिय कलाकार मनिष श्रेष्ठ निर्देशित नयाँ म्युजिक भिडियो “ट्याटु खोपेर” सार्वजनिक भएको छ । मनिष श्रेष्ठ र युनिता श्रेष्ठको स्वर रहेको उक्त गीतलाई गायक स्वयम् श्रेष्ठ र मनिष बरालले संगीत भरेका छन् ।<br><br>भिडियोमा बुगिउगी बिजेता डान्सर कविता नेपाली र मनिष श्रेष्ठको अहिलेसम्मकै उत्कृष्ट र फरक अभिनय देख्न सकिन्छ भने “वाउ क्रु” को पनि प्रस्तुति रहेको छ । नवराज उप्रेतीले खिचेको भिडियोमा प्रमोद भण्डारीले कोरियोग्राफ गरेका हुन् ।<br><br>भिडियो निर्माणमा आफूहरुले धेरै मेहनतका साथ काम गरेर अलि फरक रुपमा प्रस्तुत हुन खोजेको निर्देशक मनिष श्रेष्ठ बताउँछन् । हुनत यो भन्दा अगाडिको उनको कामहरु तारिफ योग्य नै छ ।<br><br>लामो समयदेखि कलाकारितामा संघर्ष गरेर अगाडि बढिरहेका उदयपुरका मनिष श्रेष्ठ पछिल्लो समय गिनिज वर्ल्ड रेकर्डमा ( एउटा खुट्टा काधमा राखी एउटा हातले नेपालको झण्डा फर्फराउँदै मोटरसाइकल चलाएर ) नाम लेखाउने समेत तयारी गरिरहेका छन् । <br></p> <iframe src="https://www.youtube.com/embed/D5LZArnOM4k" allow="accelerometer; autoplay; encrypted-media; gyroscope; picture-in-picture" allowfullscreen="" width="560" height="315" frameborder="0"></iframe>