मानवअधिकार आयोगको कार्यालय प्रहरीको नियन्त्रणमा

<p>बाँके । नेपाल कम्युनिष्ट पार्टी नेकपाको विप्लव समूहको कार्यकर्ता भएको आरोपमा पक्राउ परेका कोहलपुर ११, बाँकेका दानबहादुर फडेरालाई जिल्ला अदालतले आइतबार साधारण तारेखमा रिहा गरेको छ । तर, अदालत परिसरमै धरपडक गर्न खोजेपछि फडेराले मानवअधिकार आयोगलाई गुहारे । अदालत नजिकै बाँके गाउँ पिपलचौतारामा रहेको कार्यालयबाट टोली अनुगमनका लागि गयो । </p><p>फडेराले आफू सुरक्षाकै कारण घर जान नसक्ने र आफ्ना कुरा राख्ने बताएपछि आयोगको कार्यालयमा ल्याइयो । पूर्व लडाकू फडेराले आफू विप्लव समूहप्रति आस्था राख्ने भएपनि आपराधिक गतिविधिमा सक्रिय नभएको बताएका छन् । तर, एकाएक प्रहरीले आयोगकै कार्यालय घेरा हाल्यो । राति करिव साढे १० बजे
डीएसपी रमेशबहादुर सिंह नेतृत्वको टोलीले आयोग कार्यालयको गेटमा आएर ढोका
खोल्न दबाव दिनुका साथै कार्यालय परिसर घेराबन्दीमा राख्यो । आयोगको
नेपालगञ्ज कार्यालयका प्रमुख कार्यालय परिसरमै बस्ने भएकाले फडेरा जोगिए ।
तर, प्रहरीले आयोगको कार्यालय घेराबन्दी गर्न छाडेन । </p><p><br></p><p><img style="width: 645px;" src="https://topnepalnews.comuploads/posts/17c07343744f7ad1fe67c75d9e51e0651555939207.jpg"></p><p>&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;<b>डीएसपी रमेशबहादुर सिंह</b></p><p><br><br></p><p>सूचना अधिकारी द्धारिकाकुमारी अधिकारीकाअनुसार सोमबार दिउँसोसम्म आयोगको कार्यालय परिसरमा प्रहरीको उपस्थिति थियो । फडेरा अहिले पनि कार्यालयमै बसिरहेका छन् । प्रमुख जिल्ला अधिकारीको रोहबरमा फडेरालाई छोड्न प्रयास भएपनि सोमबार त्यो कार्य पूरा हुन सकेन ।<br><br><b>आयोगको आपत्ति :</b><br>अदालतले तारेखमा छाडेका व्यक्तिलाई लिएर प्रहरीले कार्यालय नै घेराउ गरेपछि मानवअधिकार आयोगको नेपालगञ्ज कार्यालयले केन्द्रीय कार्यालयमा खबर ग¥यो । आयोगले कार्यालय घेराबन्दी गर्नु र कार्यालय प्रमुखलाई दबाव दिनु आयोगको स्वतन्त्रता, स्वायत्तता र मर्यादामाथि ठाडो अस्तक्षेप भएको बताएको छ ।</p><p><img style="width: 540px;" src="https://topnepalnews.comuploads/posts/b286155101173d086580daa0df74bdde1555939195.png"><br><br>आयोगले फडेरालाई सकुसल घर फिर्ता पठाएरर परिवारको जिम्मा लगाएर आफूलाई जानकारी दिन प्रमुख जिल्ला अधिकारी र बाँके प्रहरी प्रमुखलाई निर्देशन दिएको छ ।<br><br>साथै डीएसपी सिंहको कामकारबाही र व्यवहार बारे छानविन गरी विभागीय कारबाही गर्न र यस्ता घटना दोहोरिन नदिन प्रहरी महानिरीक्षकलाई निर्देशन समेत दिएको छ ।<br><br>आयोगले फडेरा र उनको परिवारका सदस्यलाई मानसिक वा अन्य यातना नदिन समेत प्रहरीलाई सचेत गराएको छ ।</p>