भारतबाट नेपाल आउदै गरेको बसमा विष्फोटक पदार्थ भेट्टियो

<p>काठमाडौ । भारतको राजधानी नयाँ दिल्लीबाट काठमाडौं आउँदै गरेको बसमा बम बनाउन प्रयोग हुने बिष्फोटक सामाग्री&nbsp; बरामद गरिएको छ। पश्चिमी नाका कैलालीको गड्डा चौकी हुँदै काठमाडौं आउन लागेको बसबाट शुक्रबार राति शसस्त्र प्रहरीको टोलीले उक्त सामाग्री&nbsp; बरामद गरेको हो।&nbsp; राति करिब पौने एक बजेतिर ना ५ ख ७२४५ नम्बरको बसबाट बम बनाउन प्रयोग हुने सामान बरामद गरिएको शसस्त्र प्रहरी बेस क्याम्पका प्रमुख सशस्त्र प्रहरी नायब उपरीक्षक&nbsp; नेत्र केसीले जानकारी दिए।<br><br>बसबाट बम र अन्य हतियार बनाउन प्रयोग हुने डिटोनेटरसहितका विस्फोटक सामाग्री बरामद गरिएको उनले बताए। बरामद भएको सामान सशस्त्र प्रहरीले आफ्नो नियन्त्रणमा लिएर राखेको थियो। तर, शनिबार बिहान मात्रै उक्त समाग्री बिस्फोटक पदार्थ बनाउन प्रयोग हुने रहेको पत्ता लाग्यो। सामानका पोका खोलेर हेर्दा डिटोनेटर लगायतका बिष्फोटक पदार्थ फेला परे । डिएसपी केसीले भने, 'त्यसपछि हामीले अन्य जिल्लाका प्रहरी युनिटलाई जानकारी गराएर बस नियन्त्रणमा लिन सफल भयौं।'<br><br>उक्त बस नवलपरासी प्रहरीले नियन्त्रणमा लिएको छ। जिल्ला प्रहरी कार्यालय कैलालीका प्रमुख एसपी आभूषण तिमिल्सिनाले भने शसस्त्र प्रहरीले उक्त समाग्री बरामद गरेकोले विस्तृत विवरण आफूले पाइनसकेको जानकारी दिए। नागरिकसँग उनले भने, 'शसस्त्रले बरामद गरेको सामाग्री जिल्ला प्रहरी कार्यालयमा ल्याउन टोली गएको छ। त्यसपछि मात्रै के कति परिणामा छ थाहा हुन्छ।'<br></p>