जाजरकोटमा ६५ प्रतिशत पुजिगत वजेट खर्च

<p>२८ जेठ, जाजरकोट ।<br>आर्थिक वर्ष सकिन अझै एक महिना बाँकी रहँदा जिल्लामा झण्डै ६५ प्रतिशत पुँजीगत वजेट खर्च भएको जनाइएको&nbsp; छ । गत वर्षको तुलनामा यस वर्षको खर्च प्रगति राम्रो भएको वताइएको छ ।</p><p>विभिन्न सरकारी कार्यालय मार्फत खर्च हुने जिल्लाको कुल पुँजीगत वजेट हिजोसम्मको रेकर्डमा ५८ करोड ८८ लाख ३९ हजार ५ सय रुपैया भएको कोष नियन्त्रक याम बहादुर वुढाले जानकारी दिनुभयो&nbsp; ।</p><p>जाजरकोटका&nbsp; विभिन्न कार्यालय मार्फत विहिवार सम्म ३८ करोड २१ लाख ७ हजार तीन सय ३७ रुपैया ६१ पैसा खर्च भई निकासा भएको कोष नियन्त्रक वुढाले वताउनुभयो ।</p><p>रुकुमको चौरजहारी स्थित सडक डिभिजन कार्यालय मार्फत खर्च हुने २३ करोड ११ लाख ८३ हजार पुँजीगत वजेट जिल्लाको मात्र नभएर डोल्पा र रुकुम जिल्लाको पनि भएको वुढाको भनाई छ ।<br><br><br></p>