अर्घाखाँचीको नरपानिमा जीप दुर्घटना हुँदा ५ जना घाईते

जेष्ठ २८, २०७३ मा प्रकाशित
Published at 2016-06-10

479 views

२८ जेठ, अर्घाखाँची ।
बुटवलबाट सन्धिखर्कको लागी छुटेको देउराली यातायात ब्यबसायी समितिको लु १ ज १४४६ नम्बरको जिप हिजो बेलुका ९ः३० मा नरपानिमा दुर्घटना भएको छ । दुर्घटनामा परी ५ जना घाईते भएका छन् ।

घाईते हुनेहरुमा नुबाकोट बरबास बस्ने बर्ष ४० कि हरिकला घर्तीमगर ,सोहि ठाउँका बर्ष ४५ बर्षकै चोपबहादुर घर्तीमगर ,सनपा १ बस्ने साबित्रा बेलबासे, कपिलबस्तु घर भई हाल सन्धिखर्क बस्ने बर्ष ३५ कि सुनिता पटेल ,सोही ठाउँकै बर्ष ५० कि रुमाली पटेल रहनु भएको छ । घाईतेहरुको जिल्ला अस्पतालमा उपचार भै रहेको छ ।

घाईतेहरु मध्ये बर्ष ५० कि रुमाली पटेलको टाउकोमा चोट लागे पनि खतरा मुक्त रहेको जिल्ला अस्पतालका प्रमुख डा।जगनाथ तिबारीले बताउनु भएको छ ।

दुर्घटना चालकले मादक पदार्थ सेबन गरेका कारण भएको आरोप यात्रुहरुले लगाएका छन् । घटनाबारे छानबिन गर्न चालकलाई प्रहरीले नियन्त्रणमा लिएको जिल्ला ट्राफिक कार्यलयका प्रमुख रेशम राना भाटले जानकारी दिनुभएको छ ।


प्रतिक्रिया

सम्बन्धित खवर

ताजा समाचार

TopNepalNews copyright © 2021 News. All Rights Reserved. Website by Muncha Developers.