17.3¡ÆC
<p>नुवाकोट । नुवाकोट उद्योग बाणिज्य संघको नयाँ नेतृत्व चयनको लागी भएको मतदानको मतगणना जारी छ । जारी रहेको मतगणनामा लोकतान्त्रिक प्यालनका उम्मेदवार ताराबहादुर कार्की नेतृत्वको सबै उम्मेदवारले अग्रता लिइरहेका छन् । ४१५ मतको गणना सम्पन्न हुुदाँ अध्यक्षमा कार्कीले २५६ मत र प्रगतिशील प्यानलका उम्मेदवार रमेश श्रेष्ठले १५० मत ल्याएका छन् ।<br>अध्यक्ष सहित बाँकी पदाधिकारी र सदस्यहरुमा सबैमा कार्की प्यानल सुरुवाति देखि नै अग्र स्थानमा रहेका छन् । <br><br>शनिबार विदुरमा भएको मतदानमा १४६३ मत खसेको सहायक निर्वाचन अधिकृत पुष्कर शर्मा रिमालले जानकारी दिनुभयो । उहाँको अनुसार मतदानमा १४५३ मत पदाधिकार सहित महिलाा सदस्य तथा खुला सदस्यको लागी खसेको हो भने दश मत पदाधिकारी, महिला सदस्य तथा बस्तुगत सदस्यको लागी खसेको हो । <br><br>मतदान सम्पन्न भएपछि मत गणनाको लागी राती दश बजेदेखि थालिएको आचार संहिता बनाउने कार्य तथा गणनाको लागी आवश्यक तयारी पूरा भएपछि राती साढे १२ बजेदेखि सुरु गरिएको हो । ११५ मत गणना गर्न बिहान पाँच बजेसम्म लागेको हो ।<br> <br>मतगणना स्थल विदुरमा दुवै पक्षका समर्थनहरुको उल्लेख्य सहभागिता रहेको छ । सुरक्षा व्यवस्था पनि बाक्लो रहेको छ । गणनास्थलमा उम्मेदवारहरु पनि सक्रिय रुपमा बसिरहेका छन् ।<br><br>यही शनिबार भएको मतदानमा १७०० भन्दा बढी मतदाता रहेकोकमा करीब तीन सय मतदाता सहभागी भएनन । <br>दशौँ अधिवेशन अन्तरगतको निर्वाचनमा ताराबहादुर कार्की र रमेश श्रेष्ठ अध्यक्ष रहेको दुई प्यानल चुनावी प्रतिस्पर्धामा रहेका छन् ।<br><br>दुई पक्ष अन्तरगत कार्कीले लोकतान्त्रिक व्यवसायी र श्रेष्ठले प्रगतिशील प्यानलको नेतृत्व गर्नुभएको हो ।<br> <br><br><br></p>
