19.12¡ÆC
<p>समुन्द्रटार । पूर्वसांसद गणेश पण्डितको आज अपरान्ह निधन भएको छ । हृदयाघात भएपछि उपचारका क्रममा ७० वर्षीय पण्डितको शिक्षण अस्पताल महाराजगञ्जमा आज दिउँसो २ बजे निधन भएको प्रदेश सांसद केशव पाण्डेले जानकारी दिनुभयो ।<br><br>विसं २०४८ को निर्वाचनमा उहाँ नुवाकोटको निर्वाचन क्षेत्र नं. २ बाट तत्कालीन नेकपा एमालेबाट निर्वाचित हुनुभएको थियो । विसं २०५६ को निर्वाचनमा उहाँ नुवाकोटबाट तत्कालीन नेकपा मालेबाट उम्मेदवार बन्नुभएको थियो ।<br><br>नेपाल राष्ट्रिय शिक्षक सङ्गठनको केन्द्रीय उपाध्यक्षसमेत रहनु भएका पण्डित २०४२ सालका बमकाण्डमा गिरफ्तारमा पर्नुभएको थियो । त्यो समयमा झण्डै आठ महीना प्रहरी हिरासतमा उहाँ रहनुभएको थियो । तत्कालीन राष्ट्रिय पञ्चायात सदस्यमा समेत उहाँ नुवाकोटबाट उम्मेवार बन्नुभएको थियो । काठमाडौँको वसुन्धरामा बस्दै आउनुभएका पण्डितका दुई छोरा, तीन छोरी र श्रीमती रहनुहुन्छ । पछिल्लो समय उहाँ पार्टीमा निष्क्रिय रहनुभएको थियो । उहाँ नेपाली काँग्रेसका केन्द्र्रीय सदस्य एंव पूर्वमन्त्री अजुर्ननरसिंह केसी लगायतको मामा हुनुहुन्थ्यो । <br><br></p>
