रसुवाको जनजीवन थप कष्टकर

<p><b>ज्ञानेन्द्र न्यौपाने,</b></p><p>स्याफ्रुुुु । माघ २३ गते बुधबार रातिदेखि नै परेको निरन्तर वर्षासंँगै परेको हिमपातका कारण उत्तरीक्षेत्रको जनजीवन थप कष्टकर भएको छ । नागरिक समाजका अनुसार लाङटाङ, चन्दनबारी, ठूलो स्याफ्रुुुु, बृद्धिम, थुमन, खैदी, गतलाङ, पुरानो तातोपानी क्षेत्र, यार्सा, सिङ्बन्दीलगायत गाउँबस्तीमा हिमपात भएकाले उक्त बस्ती आसपास क्षेत्रको जनजीवनसमेत चिसोले थप कष्टकर भएको हो ।</p><p><br>अधिकांशं स्थानीय नागरिकले आगो तापेर र सिरक ओढेर न्यानो पारिरहेको बताइएको छ । उत्तरी भेकमा हिमपात र दक्षिणी भेकमा वर्षा निरन्तरता भएका कारण दक्षिण पश्चिम रसुवाका ठूलोगाउँ र, डाँडागाउँसमेतका गाउँबस्तीमा अत्यधिक चिसो बढेको ठूुलोगाउँ पहिरेका चमकबहादुर गुरूङले जानकारी दिनुभयो ।</p><p><br>चिसोको असरले शरीरको रक्तसञ्चारमा असर पुग्ने भएकाले न्यानो लुगा लगाउने, मनतातो खाना खाने, पानी तताएर पिउने, खाली खुट्टा नहिँड्ने, कानमा हावा पस्न नदिने, बालबालिकालाई तातो ठाउँमा राखी एक्लै नछाड्ने, हातका आँैलामा पञ्जासमेत लगाई चिसोबाट सुरक्षित रहन सबै जिल्लावासीमा आग्रह गरिएको जिल्ला अस्पतालका डा प्रबल केसीले बताउनुभयो । <br><br></p>