17.12¡ÆC
<p>१२ कार्तिक, नुवाकोट । जिल्लाव्यापी खुला क्रिकेट प्रतियोगिताको उपाधि देवीघाट क्लबले जितेको छ । नुवाकोट क्रिकेट सङ्घको आयोजनामा आज विदुर नपा–६ सिंचाइ चौरमा भएको फाइनलमा देवीघाटले नक्षत्र क्लब पीपलटारलाई २७ रनले पराजित गरी उपाधि जितेको हो ।</p><p><img style="width: 1024px;" src="https://topnepalnews.comuploads/posts/2e279044ce86e382639c0de55415e7731540949456.jpg"><br><br>टस हारेर पहिले ब्याटिङ गरेको देवीघाटले निर्धारित २० ओभरको खेलमा ८ विकेट गुमाउँदै १३४ रन बनायो । देवीघाटका तर्फबाट विकास चित्रकारले नकआउट १८ रन, दिनेश चित्रकारले नटआउट १५ रन, राजेश रिमालले १५ रन र भेषराज रिमालले १३ रन बनाए । बलिङतर्फ नक्षत्रका प्रसिद्ध खड्का र राजन अधिकारीले २–२ विकेट र अभियान बस्नेत र सौरभ कुँवरले १–१ विकेट लिए ।<br><br>एक सय ३५ रनको विजयी लक्ष्यसहित मैदानमा उत्रिएको नक्षत्र १९ ओभरमा अलआउट हुँदै १०७ रन बनाउँदा २७ रनले पराजय भोग्न बाध्य भयो । नक्षत्रका तर्फबाट अभियान बस्नेतले ३२ रनबाहेक अन्य ब्याट्सम्यानले दोहोरो अङ्क जोड्न सकेनन् । बलिङतर्फ देवीघाटका विकास चित्रकारले ३ विकेट र विकास लामिछानेले २ विकेट लिए ।</p><p><img style="width: 960px;" src="https://topnepalnews.comuploads/posts/7cf1a0ef5f4da1a5c68ff9549b0972521540949202.jpg"><br>प्रतियोगितामा खेलमा देवीघाटका विकास चित्रकार म्यान अफ दि म्याच घोषित भए । प्रतियोगिताको बेष्ट बलर युनिक ब्वाइज ढुङ्गेका जीवन सिलवाल, बेष्ट ब्याट्सम्यान नक्षत्रका सुशान्त तिमिल्सिना र म्यान अफ दि सिरिज देवीघाटका विकास चित्रकार घोषित भए ।</p><p><img style="width: 1157px;" src="https://topnepalnews.comuploads/posts/e9a73bb27c764f0b7cdf317cf7b444051540949340.jpg"><br><br>प्रतियोगिता कात्तिक १० गतेदेखि शुरु भएको थियो । प्रतियोगिताका विजयीलाई विदुर नगरपालिकाका प्रमुख सञ्जु पण्डितले नगद र ट्रफी वितरण गर्नुभयो । प्रतियोगितालाई पहिलो हुनेलाई रु १० हजार र दोस्रो हुनेलाई रु ४ हजार पुरस्कार प्रदान गरिएको थियो । </p><p><img style="width: 1024px;" src="https://topnepalnews.comuploads/posts/791397669270e56e2b18e39636fe24271540949482.jpg"><br></p><p><br><br><br><br><img style="width: 960px;" src="https://topnepalnews.comuploads/posts/b93a74c5343ebdd032c95889020422921540824075.jpg"></p>
