किस्पाङ गाँउपालिकास्तरीय फुटबल उपाधि गोङ्गा जनसेवा युवा क्लबलाई

<p><br><b>कृष्णप्रसाद भट्ट</b><br>४ कार्तिक, भाल्चे । दशै पर्वको अवशरमा किस्पाङ गाँउपालिकामा सञ्चालित किस्पाङ गाँउपालिकास्तरीय फुटबल प्रतियोगिताको उपाधी आयोजक गोङ्गा जनसेवा युवा क्लब नुचेतले जितेको छ । जल्जुखोला माविको प्राङ्गणमा आइतबार भएको फाइनलमा आयोजक गोङ्गा जनसेवा युवा क्लबले जल्जुखोला युथ क्लबलाई ३–१ गोलअन्तरले हराएको हो । </p><p><br>&nbsp;&nbsp; &nbsp;प्रतियोगिताको बिजेत भएको गोङ्गा जनसेवाले नगद ५० हजार रुपैयाँ सहित शिल्ड मेडल र प्रमाणपत्र पाएको छ भने दोश्रो भएको जल्जुखोला युथ क्लबले २५ हजार रुपैयाँ सहित शिल्ड मेडल र प्रमाणपत्र पाएको छ । प्रतियोगितामा तेश्रो भएको मानेगाँउ युथ क्लबले दश हजार नगद सहित प्रमाणपत्र पाएको छ । उत्कृष्ट भएको क्बललाई पुरस्कार प्रदान गर्दै गाँउपालिकाको अध्यक्ष छत्रबहादुर लामाले धार्मिक एवम् पर्यटकीय बस्ती किस्पाङमा फुटबल लगायतका खेलको माध्यमबाट खेल पर्यटनको समेत सम्भावना प्रयाप्त रहेको बताउनुभएको छ । </p><p><br>उहाँले किस्पाङमा रहेको फुङफुङ झरना, सिङ्ला हिमाल, घुँगा भञ्याङ चउर, फिकुरी महादेव मन्दिर, पानसय खोला भेडा फार्म, विभिन्न जडिबुटी, कृषि उब्जनीले किस्पाङको पहिचान कायम गर्दै पर्यटकलाई आकर्षित गराउदै आएकोमा लगातार तेश्रोपटकसम्म गोङ्गा जनसेवा युवा क्लबले दशै पर्वको समयमा शुभकामना आदानप्रदान सहित खेलको माध्यमबाट पर्यटक प्रबद्धनमा पुर्याएको सहयोगका प्रशंसा गर्नुभएको छ । </p><p><br>कार्यक्रममा आयोजक गोङ्गा जनसेवा युवा क्लबका अध्यक्ष वीरबहादुर वाइवाले हरेक वर्ष दशै पर्वको समयमा गाँउपालिकास्तरीय क्लब फुटबल प्रतिस्पर्धा गराउदै आएकाले प्रतियोगितालाई आगामी दिनमा अझ बृहत्त बनाएर सञ्चालन गर्ने योजना रहेको बताउनुभएको छ । </p><p><img style="width: 837px;" src="https://topnepalnews.comuploads/posts/8660faae3479d3869ee770244e6f633e1540354611.jpg"><br>कार्यक्रममा किस्पाङ गाँउपालिका वडा नं. १ का वडाध्यक्ष आइते घले, वडा न . ३ का वडाध्यक्ष अमृतबहादुर तामाङ, वडा नं. ४ का वडाध्यक्ष एकराज घले, जल्जुखोला माविका प्रअ चिनिमायाँ तामाङ, आयोजक गोङ्गा जनसेवा युवा क्लबका प्रतियोगिता संयोजक बिजय घले, टिम व्यवस्थापक उत्तम तामाङ र दिलिप तामाङ लगायतको सहभागिता रहेको थियो । <br><br><br><br></p>