रौतहटमा विद्यालय व्यवस्थापन समिति चुनावमा झडप

<p>२७ जेठ, रौतहट ।<br>रौतहटको धरहरी गाविसस्थित जयकिसान उच्च माविमा विद्यालय ब्यवस्थापन समितिको निर्वाचनमा गएराती भएको दुईपक्षिय झडपमा चारजना घाईते भएका छन ।</p><p>झडपमा गम्भिर घाईते धरहरी १ का टँईट पण्डित र सम्भु साहलाई राती नै उपचारको लागि एम्बुलेन्सबाट बिरगंज पठाईएको प्रहरीले जनाएको छ ।</p><p>सामान्य घाईते प्रेमपुर गोनाही २ का चिनिलाल यादव र फागु साह कलवारको जिल्ला अस्पताल गौरमा उपचार भईरहेको छ ।</p><p>कुल मतदान नौसय ९१ मध्ये २१ वटा मतदाता नामावलीमा चिन्ह लाग्न छुटेकाले एकपक्षले मतदान बदर हुनुपर्ने मागसहित अडान गरेपछि झडप भएको थियो ।</p><p>मतपेटिकाहरु सदरमुकाम गौरस्थित कर्मचारी मिलन केन्द्रमा राखिएको र बिहान १० बजेदेखी गणना शुरु हुने जनाइको छ ।</p><p>व्यवस्थापन समितिको अध्यक्ष पदका लागि हृदय नारायण साह, रामबाबु चौधरी र रामेश्वर साह प्रतिस्पर्धामा हुनुहुन्छ ।<br><br><br></p>