फोहर प्रभावित बासिन्दालाई एम्बुलेन्स प्रदान

<p align="justify">नुवाकोट । काठमाडौ उपत्यकाकाको फोहर विसर्जन गरिदै आएको नुवाकोटको ककनी गाँउपालिकाको प्रभावित बासिन्दालाई सेवा पु-याउन काठमाडौ महानगरपालिकाले एक थान एम्बुलेन्स उपलब्ध गराएको छ ।</p><p align="justify"><br>फोहर प्रभावित बासिन्दाले लामो समयदेखि माग गर्दै आएको एम्बुलेन्स पूर्वसहमति अनुसार आइतबार महानगरपालिकको मेयर विद्यासुन्दर शाक्यले ककनी गाँउपालिकाको अध्यक्ष मानबहादुर लामालाई प्रदान गर्नुभयो ।</p><p align="justify"><br>फोहर प्रभावित बासिन्दा बिरामी हुदाँ अस्पताल लैजान हुदै आएको कठिनाईको समाधानको लागी उक्त एम्बुलेन्स प्रदान गरेको र पूर्वसहमतिहरु आगामी दिनमा क्रमशः कार्यान्वयन गर्दै अघिबढ्ने मेयर शाक्यले बताउनुभयो ।</p><p align="justify"><br>कार्यक्रममा ककनीका अध्यक्ष तामाङले दुई वर्षको लागी भनेर फोहर फाल्न थालिएको सिसडोलमा निरन्तर १३ वर्षसम्म फालिदै आएकाले पूर्वाधार सुधार एवम् विकल्पमा पहिचान गरिएको स्थान बञ्चरेडाँडामा लैजानको लागी तयारी थाल्न आग्रह गर्नुभयो । <br>विसं २०६२ जेठ २२ गतेदेखि काठमाडौ उपत्यकाको फोहर बिसर्जन गर्न थालिएको यहाँको ककनी गाँउपालिकाको वडा नं. १ र २ मा पर्ने ओखरपौवाको सिसडोलमा हाल दैनिक करिब एक हजार मेट्रिक टन फोहर फालिदै आएको छ ।<br>सिसडोल भरिन अब दुई महिना मात्र बाँकी भएपनि विकल्पको स्थानमा पूवार्धार तयार गर्न ढिलाई भइरहेको छ ।</p><p align="justify"><br>सिसडोलदेखि करिब दुई किलोमिटर दुरीमा पर्ने ओखरपौवाको बञ्चरेडाँडा २५ वर्षसम्म फोहर फाल्न सकिने विकल्प देखिएपनि पूर्वाधार निर्माण अन्यौल छ । <br><br><br></p>