रेडियो नेपाल र एनटिभी सार्वजनिक प्रशारण सेवा बनाउन बिधेयक पेश गर्ने तयारी

<p>२६ जेठ, काठमाडौं ।<br><br>रेडियो नेपाल र नेपाल टेलिभिजनलाई सार्वजनिक प्रशारण सेवामा रुपान्तरण गर्नका लागि सञ्चार मन्त्रालयले यसै आर्थिक वर्षभित्र विधेयकको मस्यौदा मन्त्रीपरिषद्मा पेश गर्ने तयारी गरिरेको छ । <br><br>सार्वजनिक सेवा प्रसारक नेपाल सम्बन्धमा व्यवस्थापन गर्न बनेकोे प्रस्तावित विधेयक २०७३ सम्बन्धमा रेडियो नेपाल र नेपाल टेलिभिजनका पदाधिकारीहरुबीच आज काठमाडौंमा भएको छलफलमा सूचना तथा सञ्चार सचिव दिनेशकुमार थपलियाले असार मसान्तसम्ममा विधेयक मस्यौदा पेश गर्ने लक्ष्यसहित काम अघि बढाइएको बताउनु भयो ।<br><br>सचिव थपलियाले सरकारको लगानीमा सञ्चार माध्यम हुनु हुँदैन भन्ने र हुनु पर्छ भन्ने दुवै पक्षको मागलाई बिचको बाटोबाट सम्बोधन गर्ने गरी रेडियो नेपाल र नेपाल टेलिभिजनलाई सार्वजनिक प्रशारण सेवाका रुपमा रुपान्तरण गर्न लागिएको बताउनु भयो ।<br>&nbsp;&nbsp; &nbsp;<br>कार्यक्रममा रेडियो नेपालका कार्यकारी निर्देशक सुरेश कुमार कार्कीले विधेयकको प्रस्तावित खाका प्रस्तुत गर्दै विभिन्न समयमा आएका प्रतिवेदनका आधारमा सार्वजनिक सेवा प्रशारक नेपाल सम्बन्धमा प्रस्तावित प्रस्ताव तयार पारिएको बताउनु भयो ।<br><br>नेपाल टेलीभिजनका निमित्त महाप्रवन्धक दीपकमणी धितालले सञ्चार माध्यम सवै जनतामा पु¥याउनका लागि रेडियो नेपाल र नेपाल टेलिभिजनलाई सार्वजनिक प्रशारण संस्थाका रुपमा रुपान्तरण गर्नु आवश्यक भएको बताउनु भयो ।<br><br>कार्यक्रममा प्रस्तावित मस्यौदामाथि विभिन्न सञ्चार मन्त्रालय, रेडियो नेपाल र नेपाल टेलीभिजनका अधिकारीहरु रहनुभएको विभिन्न चार ओटा समुहहरुले सुझाव प्रस्तुत गर्नु भएको थियो ।<br><br>समुहहरुबाटआएका सुझाब समेटेर रेडियो नेपाल र नेपाल टेलिभिजनलाई सार्वजनिक प्रशारक संस्थाका रुपमा लैजाने विधेयकको पूर्ण प्रस्ताव तयार गर्न सूचना तथा सञ्चार मन्त्रालयका सहसचिव रामचन्द्र ढकालकोे संयोजनमा ७ सदस्यीय समिति गठन गरिने सूचना तथा सञ्चार मन्त्रालयका सचिव दिनेशकुमार थपलियाले बताउनु भयो ।<br><br>समितिले विभिन्न क्षेत्र व्यक्तित्व संग छलफल गरेर मस्यौदा लाई अन्तिम रुप दिनेछ । <br><br>समितिमा कानून मन्त्रालय, रेडियो नेपाल र नेपाल टेलिभिजनका दुई–दुई जना प्रतिनिधि रहनु हुने छ ।<br>……….<br><br>रेडियो नेपालका संस्थापक स्वर्गिय तारिणीप्रसाद कोइरालको स्मृतिमा विराटनगर–५ स्थित खार्जी चौकमा&nbsp; तारिणीप्रसाद कोइराला स्मृति संचार ग्राम निमार्ण हुने भएको छ ।<br><br>रेडियो नेपाल र विराटनगर उपमहानगरपालिकाको साझेदारीमा स्थापना हुन लागेको संचारग्रामको जेठ–२९ गते शनिवार विहान&nbsp; पं्रधानमन्त्री केपी शर्मा ओलीले शिलान्यास गर्नु हुने कार्यक्रम रहेको छ । <br><br>विराटनगर उप महानगरापालिकाले आज पत्रकार सम्मेलनगरी करिव आठ करोड रुपैयाको लागतमा संचारग्राम निमार्णगर्न लागेको जनाएको छ ।<br><br>उपमहानगरपालिकाको&nbsp; सात कठा जग्गामा निमार्ण हुन लागेको संचारग्राममा मिट द प्रेश हल, गित रेर्कडिङ, क्षेत्रिय संग्रालय तथा गित संगित का कार्यक्रम हरु संचालन हुने विराटनगर उप महानगरपालिकाका कार्यकारी निर्देशक गोपाल रेग्मीले बताउनुभयो ।<br><br>शिलान्यास भएको एक महिना भित्र भवन निमार्णका लागी टेन्डर प्रक्रियामा जाने र ठेका सम्झौता भएको १८ महिना भित्र सवै काम सम्पन्न हुने जनाइएको छ । <br><br>नेपालमा प्रजातन्त्रको स्थापना संगै कोइरालाले २००७ सालमा विराटनगर स्थित&nbsp; जुटमिलवाट प्रजातान्त्रीक रेडियोको नामवाट रेडियो नेपालको प्रसारण प्रारम्भ गर्नु भएको थियो&nbsp; । संस्थापकको सम्झनामा रेडियो नेपालले संचार ग्राम निमार्ण गर्न लागेको&nbsp; । त्यसका लागी रेडियो नेपालले विराटनगर उपमहानगरपालिका संग संचारग्राम निमार्ण गर्नै सम्झौता गरेसंगै केही&nbsp; हप्ता अघि ३ करोड रुपैयाको चेक नगरपालिकालाइ हस्तान्तरण गरि सकेको छ ।<br></p>