माहाकालीमा चितुवा आतंक,धपाउन हम्मे-हम्मे

<p>पप्पु गुरुङ्ग ।&nbsp; माहाकालीमा चितुवाको आक्रमणबाट २ जना स्थानियहरु घाइते भएका छन् । माहाकाली नगरपालिका वडा नं. १०, शान्ती टोल र अठार नम्वर पिल्लर बस्तीमा रहेको जगबुडा नदीको नजिक आज बिहान माहाकाली नगरपालिका वडा नं. १० बस्ने वर्ष अन्ताजी ४५ का डम्मर शाही र वर्ष अन्ताजी ३७ का बिरेन्द्र शाहीलाई चितुवाले आक्रमण गरेको हो ।<br><br>उनिहरुलाई करिब ५ बजे चितुवाले आक्रमण गरेको बताईएको छ् । आक्रमणमा उनीहरुको मुख, टाउको, घाँटी, पिट्युमा चोट आएको उनिहरुले बताएका छन् । गएराती माहाकाली नगरपालिका वडा नं. १०, शान्ती टोलका एक स्थानिय भरत शाहको बाख्रा खोरबाट गायब भएको खोजी गर्न बिहान हिडेका उनिहरुलाई उखुको थोरै झुप्रोबाट चितुवाले आक्रमण गरेको हो । उखु काटेर बिउको लागी राखिएको स्थानबाट चितुवाले आक्रमण गरेको हो । ‘बाख्रा खोज्दै गर्दा अचानक चितुवाले आक्रमण गर्‍यो’ बिरेन्द्र शाहीले भने– ‘आक्रमणमा परेको थाहै भएन् ।<br><br>घाईतेलाई उपचारर्थ प्राथमिक स्वास्थ्य केन्द्र दोधारामा उपचार पछि घर पठाईएको बताईएको छ् । उनिहरुको अवस्था सामान्य रहेको प्रहरीले जनाएको छ् । बिगत लामो समय देखि उक्त क्षेत्रमा चितुवाले कुकुर र खसी बाख्रामा आक्रमण गर्दै आएको स्थानियहरुले बताएका छन् ।<br><br>आक्रमण पछि लुकेर बसेको चितुवालाई धपाउन नेपाल प्रहरी, सशस्त्र प्रहरी, शुक्लाफाँटा राष्ट्रिय निकुञ्जको टोली उक्त स्थानमा पुगेको थियो । चितुवा लुकेर बसेपछि स्थानिय आतंकित भएका थिए । धपाउन हात्ती परिचालन गरेपछि मात्रै उखुको थुम्कोबाट चितुवा करिब दश घण्टा पछि मात्र वाहिर निस्केर भागेको थियो ।<br>आक्रमणकारी चितुवालाई धपाउन निकुञ्जबाट हात्तीहरु रुद्रकली, शिद्धु प्रसाद, शारदाकली र नारायण प्रसाद ल्याईएका थिए । ‘बिहान ६ बजे देखि ४ बजे सम्म चितुवा धपाउनै लाग्यो’ ईलाका प्रहरी कार्यालय दोधारा चाँदनीका प्रहरी निरिक्षक नरेन्द्र बहादुर चन्दले बताए ।<br><br>आक्रमणकारी चितुवालाई धपाउन आवश्यक भएकोले नेपाल प्रहरी, सशस्त्र प्रहरी, निकुञ्जको टोली लगाएत स्थानियहरुले घण्टौ लगाएर धपाउन सफल भएको निरिक्षक चन्दले बताएका छन् । बिहान ६ बजे देखि नेपाल प्रहरी, सशस्त्र प्रहरी, शुक्लाफाँटा राष्ट्रिय निकुञ्जको टोलीलाई चितुवा धपाउनका लागि हम्मे हम्मे नै परेको थियो ।<br><br>चितुवा हेर्न विहानै देखि सर्वसाधारणहरुको निकै घुईचो लागेको थियो । बिगत लामो समय देखि माहाकाली नगर क्षेत्रमा चितुवा लगाएत वन्य जन्तुहरुले चौपाया र स्थानियहरुलाई आक्रमण गर्दै आएपछि सरोकारवालाले दिर्घकालिन ब्यवस्थापनको लागी कुनै उपाय नगरेको स्थानिहरुको भनाई रहेको छ ।<br><br><br><br><br><br></p>