किन रोजे सन्दीपले जर्सी नम्बर १ ,रोजाई दिल्ली को कि सन्दीपको ? यस्तो छ कारण

<p><br>काठमाडौं – नेपाली बलर सन्दीप लामिछानले इन्डियन प्रिमियर लिग आइपिएलमा दिल्ली डेयरडेभिल्सबाट खेल्दा लगाउने जर्सी सार्वजनिक भएको छ ।काठमाडौंको एक होटलमा बिहीबार साँझ राष्ट्रिय खेलकुद परिषद्का सदस्य सचिव केशवकुमार विष्टले सन्दिपको जर्सी सार्वजनिक गरेका हुन् ।<br><br>दिल्ली डेयरडेभिल्सका सिइओ हेमन्त दुआ सन्दिपका लागि जर्सी लिएर काठमाडौँ आएका थिए । इण्डियन प्रिमियर लिग आइपिएलमा पहिलोटक छनौट भएका सन्दिपले गौतम गाम्भरीको कप्तानीमा खेल्नेछन्। दिल्लीको पहिलो खेल आउँदो अप्रिल ८ तारिखमा पञ्जाब विरुद्ध मोहालीमा हुनेछ। दिल्लीले सन्दिपलाई २० लाख भारतीय रुपैयाँमा अनुवन्ध गरेको थियो । सन्दीप आउँदो मंगलबार आइपिएलको अभ्यासका लागि भारत जाँदैछन् ।<br><br>किन रोजे सन्दीपले जर्सी नम्बर एक<br>दिल्ली डेयरडेभिल्सवाट सन्दीप १ नम्बर अंकित जर्सीमा देखिनेछन् । राष्ट्रिय टोली तथा अन्य क्लबहरुबाट खेल्दा सन्दीपलाई २५ नम्बर जर्सीमा देखिने गरेका थिए । मेरो भान्जीको जन्मदिन २५ गते पर्छ, तर उनी यस संसारमा छैनन्। उनैको सम्झनामा म २५ नम्बरको जर्सी लगाउने गरेको उनले बताए ।<br><br>तर दिल्लीमा भने कागिसो राबाडाले उक्त जर्सी लगाउने भएकाले सन्दीपले १ नम्बर जर्सी रोजेको बताए । “दिल्लीमा सिनियर खेलाडी राबाडाले २५ नम्बर लगाउँछन्। मेरो भान्जीको जन्म पहिलो महिना भएकाले मैले १ नम्बर जर्सी लगाएको हुँ सन्दीपले बताए ।<br><br><br></p>