बिहेमा कुटेर साथीको हत्या गर्ने ५ जना कारागार चलान

<p><span style="line-height: 1.42857;">ओखलढुङ्गा ।</span><br></p><p>बिहेमा गएका एक युवालाई हत्या गर्ने पाँच जना जेल चलान भएका छन् । छिमेकीको विवादमा चिर्पटले हानेर साथीको हत्या गर्ने अभियुक्तहरुलाई ओखलढुंगा जिल्ला अदालतको आदेशमा कारागार पठाइएको हो ।</p><p><br></p><p>गएको माघ १४ गते राति छिकेकीको विवाहमा गएका मोलुङ गाउँपालिका ७ पात्लेका २० वर्षीय कुमार मगरलाई पाँच जनाको समुहले चिर्पटले हानेर हत्या गरेका थिए ।</p><p><br></p><p>ओखलढुंगा जिल्ला अदालतको आदेशले अभियुक्तहरु २२ वर्षीय जिग्मे शेपा, २३ वर्षीय साङ्गे शेर्पा, २२ वर्षीय पासाङ शेर्पा र २६ वर्षीय छोङ्टेण्डी शेर्पालाई पुर्पक्षका लागि कारागार पठाइएको हो ।</p><p><br></p><p>उक्त घटनामा एक जनाको ज्यान गएको थियो भने पाँच जना घाइते भएका थिए । घाइते हुनेहरुमा १८ वर्षीय कमल मगर, १७ वर्षीय जनक मगर, ३५ वर्षीय पदम मगर, ४८ वर्षीय मानबहादुर मगर र ३६ वर्षीय बलराम मगर रहेका छन् ।</p><p><br></p><p>घाइतेहरुको सामुदायिक अस्पताल ओखलढुङ्गामा उपचार गरिएको थियो । दर्जन बढीको समुहले आक्रमण गरे पनि अनुसन्धानबाट दोषी ठहर भएकालाई मुद्दा चलाइएको प्रहरीले जनाएको छ ।</p>