ओली-दाहालले लिए ऐतिहासिक निर्णय,हट्योएकतामा देखिएको अवरोध

<p>काठमाडौं । नेकपा एमाले र माओवादी केन्द्रबीच पार्टी एकतामा देखिएको अवरोध हटेको छ । प्रधानमन्त्री एवं एमालेका अध्यक्ष केपी शर्मा ओली र माओवादी केन्द्रका अध्यक्ष पुष्पकमल दाहाल प्रचण्डबीचको गोप्य वार्ता सकिएसँगै&nbsp; उक्त अवरोध हटेको हो । वान टु वान वार्तामा मार्गदर्शक सिद्धान्तको विषयमा देखिएको विवाद समाधान भएको हो । ओली र दाहालबीच भएको यो सहमतिसँगै अब एमालेको मार्गदर्शक सिद्धान्त जनताको बहुदलीय जनवाद र माओवाद दुवै उल्लेख नगरी मार्गदर्शक सिद्धान्तको नामंकन गरिने भएको छ । दुई नेताले माक्र्सवाद–लेनिनवाद वा अरू कुनै नामांकन गरी अन्तरिम मार्गदर्शक सिद्धान्त टुंग्याउने सहमति गरेका हुन् ।<br><br>पार्टी एकताका लागि यसअघि पार्टी एकता संयोजन समितिमा एकीकृत पार्टीको मुल सिद्धान्त, सांगठनिक संरचना र नेतृत्वका विषयमा विवाद भएपछि दुवै पार्टीका अध्यक्ष लगातार एकल वार्तामा रहेका थिए। दुई नेताबीच पार्टी एकता, पद बाँडफाँड र सरकारमा सहभागितालगायतका विषयमा भइरहेको छलफल मिल्नेतर्फ अगाडि बढेको एमाले नेता सुवास नेम्वाङले बताए। <br><br>माओवादीको समर्थनमा ओली प्रधानमन्त्री बनिसके पनि २ पार्टीबीच एक भएपछि कुन नेतालाई कुन पद दिने र कुन सिद्धान्त अवलम्बन गर्ने तथा राष्ट्रपति, उपराष्ट्रपति, सभामुख लगायतका पदमा कुरा नमिलेपछि माओवादी सरकारमा सहभागी भएको थिएन।&nbsp; पार्टी एकताका विषयमा २ पार्टीका अध्यक्षबीच छलफल चलिरहँदा माओवादी केन्द्रले संसदीय दलको नेतामा प्रचण्डलाई चयन गरिसकेको छ। नेताहरूको व्यवस्थापन, राष्ट्रपति, उपराष्ट्रपति, सभामुख, उपसभामुख, राष्ट्रियसभा अध्यक्षलगायत मुख्य पदको भागबन्डा टुंगिएको छैन।<br><br><br><br></p>