19.12¡ÆC
<p>काठमाडौं ।
प्रधानमन्त्री शेरबहादुर देउवाले शनिवार पदबाट राजीनामा दिने भएका छन् ।</p><p>कामचलाउ सरकारका कानून, न्याय तथा संसदीय मामिला मन्त्री यज्ञबहादुर थापाले आगामी फागुनको पहिलो साता नयाँ सरकार बन्ने दाबी समेत गरेका छन् ।</p><p>मन्त्री थापाले फागुण ७ गतेको प्रजातन्त्र दिवस मनाएर देउवा सरकार बिदा हुन लागेको भन्दै त्यही दिन नयाँ सरकार गठन हुने बताए ।</p><p>वाम गठबन्धन खासगरी एमाले अध्यक्ष केपी शर्मा ओलीकै नेतृत्वमा नयाँ सरकार बन्ने बताउँदै बिहीबार एक कार्यक्रममा मन्त्री थापाले भने-निर्वाचन सम्पन्न भयो, मैले त धेरै पहिले बोलेको थिएँ, कि नयाँ सरकार फागुनाको ७ गते नै बन्छ भनेर, त्यतिवेला धेरै टिकाटिप्पणी भएको थियो, तर मैले हिसाबकिताब गरेर नै त्यो खुलासा गरेको थिएँ, अबको १० वा १२ दिनभित्रै त्यो कुरा प्रमाणित हुन्छ।</p><p>उनले सरकारले मन्त्रिपरिषदको बैठकबाट राष्ट्रिय सभा सदस्यको लागि तीन जनाको नाम सिफारिसका सम्बन्धमा छलफल गर्ने बताए ।</p><p>उनले भने,‘अब बस्ने क्याबिनेट बैठकमा यो बारेमा हामी छलफल गर्ने भन्दै प्रधानमन्त्री देउवाले दुई दिनभित्र पदबाट राजिनामा दिने समेत जानकारी दिए ।</p>
