18.12¡ÆC
काठमाडौं ।
राष्ट्रिय पुनःनिर्माण प्राधिकरणले पुनःनिर्माणका लागि आगामी असार मसान्त भित्र अन्तराष्ट्रिय दाता सम्मेलनको आयोजना गर्ने भएको छ ।
भूकम्प पछिको पुनःनिर्माणका लागि अर्को वर्ष करिब रु साँढे ३ खर्ब आवश्यक हुने भएकाले प्राधिकरणले दाता सम्मेलन गर्न लागेको रिपोर्टर्स क्लबमा आज आयोजित कार्यक्रममा प्राधिकरणका प्रमुख कार्यकारी अधिकृत युवराज भुसालले जानकारी दिनुभयो ।
प्रमुख कार्यकारी अधिकृत भुसालले भूकम्पबाट करिब रु ७ खर्बको नोक्सानी भए पनि पुनःनिर्माणका लागि झण्डै रु ९ खर्ब चाहिने प्राधिकरणको प्रक्षेपण रहेको बताउँदै दाता सम्मेलनको आयोजनाका लागि आफूहरु आन्तरिक गृहकार्यमा जुटिरहेको बताउनुभयो ।
